అమరావతి, ఫిబ్రవరి 17: మంత్రులు, ఎమ్మెల్యేలు ఎవరి పరిథిలో వారుండాలని టీడీపీ అధినేత, సీఎం చంద్రబాబునాయుడు ఆదేశించారు. వైసీపీ మూలంగా రాష్ట్రంలో ఎదురవుతున్న సమస్యలను గ్రామ స్థాయిలో ప్రచారం చేయడంతోపాటు, ప్రభుత్వ పథకాలకు విస్తృత ప్రచారం కల్పించాలని సూచించారు. శనివారం శ్రీకాకుళం, విజయనగరం జిల్లా పార్టీ నేతలతో ఆయన సమీక్ష నిర్వహించారు.

అమరావతి: రానున్న రాజ్యసభ ఎన్నికలకు టీడీపీలో ఇప్పటి నుంచే వేడి మొదలయింది. సాంకేతికంగా పార్టీకి రెండు సీట్లు వచ్చే అవకాశం ఉంది. అయితే, మరో ఇద్దరు వైసీపీ ఎమ్మెల్యేలు త్వరలో టీడీపీలో చేరే అవకాశాలున్నట్లు తెలుస్తోంది. అదే జరిగితే మూడోసీటు కూడా టీడీపీ ఖాతాలో కలవడం ఖాయంగా కనిపిస్తోంది. దీనితో రాజ్యసభ సీట్ల కోసం కోసం భారీ స్థాయిలోనే పోటీ నెలకొంది. ఈనెలాఖరుకు రాజ్యసభ ఎన్నికల నోటిఫికేషన్ వెలువడనుంది.

విజయవాడ, ఫిబ్రవరి 17: తెలంగాణా ముఖ్యమంత్రి కె.చంద్రశేఖరరావుకు ఏపీ సీఎం నారా చంద్రబాబునాయుడు శనివారం ఫోన్ ద్వారా జన్మదిన శుభాకాంక్షలు తెలిపారు. ఇటీవల కేసీఆర్ కంటికి ఆపరేషన్ చేయించుకోటంతో ఆ విషయమై కూడా బాబు వాకబు చేశారు.

అమరావతి, ఫిబ్రవరి 17: ఆర్థిక వృద్ధిరేటుకు అనుగుణంగా ప్రజల జీవన ప్రమాణాలు పెరిగే విధంగా ప్రభుత్వ పథకాలను అమలు చేయాలని రాష్ట్ర ఆర్థిక మంత్రి యనమల రామకృష్ణుడు అధికారులకు సూచించారు. శనివారం 2017-18కు సంబంధించిన సామాజిక ఆర్థిక సర్వే తయారీపై ప్రణాళిక శాఖ అధికారులతో తన నివాసంలో సమీక్ష నిర్వహించారు.