విజయవాడ, ఫిబ్రవరి 15: వివిధ శాఖల బడ్జెట్ ప్రతిపాదనలపై రాష్ట్ర ఆర్థిక మంత్రి యనమల రామకృష్ణుడు సానుకూలంగా స్పందించారు. డ్వాక్రా మహిళలకు రెండు వేల రూపాయల చెల్లింపు, ఐటీఐ విద్యార్థులకు ఉద్యోగ భరోసా, కొత్త బస్సుల కొనుగోలు వంటి ప్రతిపాదనలకు ఆయన ఆమోదం తెలిపారు. ప్రజల సంతృప్తి స్థాయి పెంచే విధంగా సంక్షేమానికి ప్రభుత్వం అధిక ప్రాధాన్యత ఇస్తోందని యనమల తెలిపారు.

మంగళగిరి, ఫిబ్రవరి 15: సంక్షోభం కూరుకుపోయిన చేనేత పరిశ్రమను కేంద్ర, రాష్ట్ర ప్రభుత్వాలు ఆదుకోకుంటే మనుగడ కష్టమేనని హిందూపురం ఎంపీ, టీడీపీ చేనేత విభాగం రాష్ట్ర అధ్యక్షుడు నిమ్మల కిష్టప్ప అన్నారు. గురువారం గుంటూరు జిల్లా మంగళగిరి పట్టణంలోని మార్కండేయ కల్యాణ మండపంలో జరిగిన టీడీపీ చేనేత విభాగం రాష్ట్ర ప్రతినిధుల సమావేశానికి ఆయన అధ్యక్షత వహించి మాట్లాడారు.

న్యూఢిల్లీ, ఫిబ్రవరి 15: కాపులను బీసీ జాబితాలో చేర్చి రిజర్వేషన్లు కల్పిస్తూ ఆంధ్రప్రదేశ్ ప్రభుత్వం తీసుకున్న నిర్ణయంపై వెనకబడిన సంఘాల నాయకులు ఆగ్రహం వ్యక్తం చేస్తున్నారు. ఈమేరకు ప్రభుత్వ నిర్ణయాన్ని తప్పుబడుతూ రాష్టప్రతి రామ్‌నాధ్ కోవింద్‌కు పలు బిసీ సంఘాలు ఫిర్యాదు చేశాయి. గురువారం నాడు ఏపీలోని పలు బీసీ సంఘాలు రాష్టపతి రామ్‌నాధ్ కోవింద్, కేంద్ర హోం మంత్రి రాజ్‌నాథ్‌సింగ్‌తో సమావేశమయ్యాయి.

విజయవాడ, ఫిబ్రవరి 15: విజయవాడలోని ప్రభుత్వ సిద్ధార్థ వైద్య కళాశాలలో ఎంబీబీఎస్ సీట్లను వంద నుంచి 150కి అలాగే ఎంఎస్ జనరల్ సర్జరీ కోర్సులో అదనంగా నాలుగు పీజీ సీట్లను పెంచుతూ మెడికల్ కౌన్సిల్ ఆఫ్ ఇండియా నుంచి ఉత్తర్వులు జారీ అయ్యాయి.