చంద్రగిరి, జనవరి 16: ప్రజాసంకల్ప యాత్రలో భాగంగా చిత్తూరు జిల్లాలో పాదయాత్రలో ఉన్న వైకాపా అధ్యక్షుడు జగన్ సంక్రాంతి సందర్భంగా తన తండ్రి జ్ఞాపకార్థం పెద్దలకు బట్టలు సమర్పించారు. జిల్లాలోని రామచంద్రాపురం మండలం పారకాల్వ గ్రామ సరిహద్దులో ఏర్పాటుచేసిన విడిదిలో రాజశేఖర్ రెడ్డి విగ్రహాన్ని వేదిక పైన ఉంచారు.

పార్వతీపురం (రూరల్), జనవరి 16: పార్వతీపురం తూర్పు వీధిలో విషాదం చోటు చేసుకుంది. ఆ వీధికి చెందిన ఓ కుటుంబం రాయగడలోని మజ్జి గౌరమ్మ పూజ కోసం వెళ్లి సమీపంలోని నాగావళి నదిలో దిగిన కుటుంబంలోని నలుగురు గల్లంతు కాగా, అందులో ఒకరు మృతి చెందారు. మరొకరు గల్లంతయ్యారు.మరొకరి పరిస్థితి విషమంగా ఉండగా, స్థానికులు ఒకర్ని కాపాడారు.

అనంతపురం, జనవరి 16: ఫోన్లు, ఇతర మాధ్యమాల ద్వారా అమాయకులకు వలవేసి మట్కాజూదం ఆడిస్తున్న నిర్వాహకులు, బీటర్లపై అనంతపురం జిల్లా పోలీసులు ఉక్కుపాదం మోపారు. ముంబాయి, హుబ్లీ కంపెనీల నెట్‌వర్క్‌ల ద్వారా హవాలా తరహాలో నిర్వహిస్తున్న మట్కా గుట్టును రట్టు చేశారు. మంగళవారం నిందితులను జిల్లా ఎస్పీ జీవీజీ.అశోక్‌కుమార్ మీడియా ఎదుట హాజరు పర్చి వివరాలు వెల్లడించారు.

ఐ పోలవరం, జనవరి 16: సంక్రాంతి పండగకు సరదాగా గడుపుతూ అమ్మమ్మ ఇంటికి వచ్చి తూర్పుగోదావరి జిల్లా ఐ పోలవరం మండలం పశువుల్లంక - సలాదివారిపాలెం గోదావరిలో సోమవారం సాయంత్రం స్నానానికి దిగిన ముగ్గురు యువకులు ప్రవాహ వేగానికి కొట్టుకుపోయి ఇద్దరు మృతి చెందగా, ఒక యువకుడిని స్థానిక మత్స్యకారులు కాపాడారు. దీనికి సంబంధించి ఐ పోలవరం పోలీసులు తెలిపిన వివరాలు ఇలా ఉన్నాయి.