హైదరాబాద్, డిసెంబర్ 14: విశాఖ జిల్లా వాకపల్లి గ్యాంగ్ రేప్ కేసులో బాధితులకు న్యాయం జరిగే విధంగా విశాఖ ప్రత్యేక కోర్టుకు పబ్లిక్ ప్రాసిక్యూటర్‌ను నియమించాలని కోరుతూ వాకపల్లి బాధితులు హైకోర్టులో పిటిషన్ దాఖలు చేశారు. గిరిజన తెగకు చెందిన 9 మంది మహిళా బాధితులు హైకోర్టులో ఈ పిటిషన్‌ను దాఖలు చేశారు. ఎస్సీ, ఎస్టీ చట్టం కింద ప్రభుత్వం ప్రత్యేక పబ్లిక్ ప్రాసిక్యూటర్‌ను నియమించేందుకు అధికారం ఉందన్నారు.

విజయవాడ ( ఇంద్రకీలాద్రి) డిసెంబర్ 14: శ్రీ కనకదుర్గమ్మ అమ్మవారి సన్నిధిలో గురువారం ఉదయం రుత్విక్కులు పూర్ణాహుతి కార్యక్రమాన్ని నిర్వహించటంతో అమ్మవారి భవానీదీక్షలు పరిసమాప్తం అయినట్లు దేవస్థానం అధికారులు తెలిపారు. అమ్మవారికి అత్యంత ప్రీతిపాత్రమైన భవానీదీక్షల విరమణ కార్యక్రమం ఈనెల 10వ తేదీన అమ్మవారి సన్నిధిలో ప్రారంభమై గురవారం అత్యంత ఘనంగా ముగిసింది.

అమరావతి, డిసెంబర్ 14: సమాజం వల్ల లబ్ధి పొందుతున్న సంస్థలు సమాజం రుణం తీర్చుకోవాలని, కార్పొరేట్ సామాజిక బాధ్యతను ప్రతి సంస్థా నిర్వర్తిస్తే అద్భుత ఫలితాలను సాధించవచ్చని రాష్ట్ర ముఖ్యమంత్రి నారా చంద్రబాబునాయుడు అన్నారు. వైద్యం, వ్యవసాయ రంగాల అభివృద్ధికి కార్పొరేట్ సమాజం స్పందిస్తే తమకు మంచి ఆలోచనలున్నాయని చెప్పారు.

అమరావతి, డిసెంబర్ 13: హైదరాబాద్‌లో తెలంగాణ ప్రభుత్వం అత్యంత ప్రతిష్ఠాత్మకంగా ఈనెల 15 నుంచి నిర్వహిస్తోన్న ప్రపంచ తెలుగు మహాసభలు ప్రపంచవ్యాప్తంగా ఉన్న తెలుగువారిని ఆకర్షిస్తున్నాయి. ఆ సభల విజయవంతం కోసం భాషాభిమాని అయిన తెలంగాణ ముఖ్యమంత్రి కె.చంద్రశేఖరరావు స్వయంగా సమీక్షలు నిర్వహిస్తూ, తెలుగు భాషకు పట్టం కట్టిన కవులు, రచయితల పేర్లను వివిధ ప్రాంగణాలకు పెట్టడంలో వ్యక్తిగత శ్రద్ధ వహిస్తున్నారు.