జయవాడ ( ఇంద్రకీలాద్రి) డిసెంబర్ 13: సీ ప్లేన్‌లు ప్రపంచ మంతా అందుబాటులో ఉన్నాయని, అలాంటి వాటిని ప్రకాశం బ్యారేజీ వద్ద కృష్ణా నదిలో తీసుకువచ్చి కొత్తదనానికి శ్రీకారం చుట్టినట్లు రాష్ట్ర ముఖ్యమంత్రి నారా చంద్రబాబునాయుడు స్పష్టం చేశారు. బుధవారం పున్నమి ఘాట్‌లో ఏర్పాటుచేసిన సీ ప్లేన్ విన్యాసాలను సీఎం చంద్రబాబునాయుడు లాంఛనంగా ప్రారంభించారు.

అనంతపురం, డిసెంబర్ 13: గత ఎన్నికల మేనిఫెస్టోలో పలు పథకాలు ప్రకటించిన టీడీపీ అధినేత చంద్రబాబునాయుడు అధికారంలోకి వచ్చాక ప్రతి సంక్షేమ పథకాన్నీ సర్వనాశనం చేశారని వైసీపీ అధినేత వైఎస్.జగన్మోహన్‌రెడ్డి ఆరోపించారు. వచ్చే ఎన్నికల్లో తన పబ్బం గడుపుకునేందుకు సినిమా యాక్టర్లు, డైరెక్టర్లను వెంటబెట్టుకుని వస్తారని.. వాళ్లను చూసి మోసపోవద్దని ప్రజలకు పిలుపునిచ్చారు.

హైదరాబాద్, డిసెంబర్ 13: ముఖ్యమంత్రి పదవిని అడ్డుపెట్టుకుని చంద్రబాబునాయుడు పేదలు, చిరువ్యాపారుల కడుపుకొట్టి కార్పోరేట్ శక్తులకు ప్రజా సొమ్మును ధారపోస్తున్నారని వైకాపా ఎమ్మెల్యే ఆర్‌కె రోజా ధ్వజమెత్తారు. బుధవారం ఇక్కడ విలేఖర్లతో మాట్లాడుతూ, రాష్ట్రంలో ధరలు మండిపోతుంటే ఎటువంటి చర్యలు తీసుకోవడం లేదన్నారు. గతంలో మాదిరిగా రేషన్ షాపుల్లో 10 సరుకులు ఇచ్చి పేద ప్రజల జీవన ప్రమాణాలను మెరుగుపరచాలన్నారు.

విజయవాడ, డిసెంబర్ 13: వారం రోజుల్లో రాజధాని అమరావతిలో పాలనా నగర భవనాల నిర్మాణానికి టెండర్లను ఆహ్వానించనున్నట్లు రాష్ట్ర పురపాలక శాఖ మంత్రి నారాయణ వెల్లడించారు. వెలగపూడి సచివాలయంలో నార్మన్ ఫోస్టర్ బృందం ఇచ్చిన అసెంబ్లీ, హైకోర్టు భవనాల డిజైన్లను సీఎం చంద్రబాబు నాయుడుతో కలిసి ఆయన బుధవారం పరిశీలించారు.