తిరుపతి, డిసెంబర్ 11: అంగన్‌వాడీ కార్యకర్తల స్వయం సంపూర్ణ అభివృద్ధికి తోడ్పడటంతో పాటు అంగన్‌వాడీ కేంద్రాల్లోని పిల్లలకు, గర్భిణులకు ఎంతగానో ప్రయోజనాన్ని సమకూర్చే యశోద డిప్లమో కోర్సులను రాష్ట్రంలోని అన్ని జిల్లాల్లో అమలుచేయడంపై దృష్టి సారిస్తామని రాష్ట్ర మహిళా సాధికారత, శిశు సంక్షేమ శాఖామంత్రి పరిటాల సునీత ప్రకటించారు.

అమరావతి, డిసెంబర్ 11: ‘రాబోయే ఖరీఫ్ సేద్యానికి ఇప్పటి నుంచే అన్ని శాఖలు సన్నద్ధం కావాలి. గోదావరి, కృష్ణాడెల్టాలలో రబీ పనులు త్వరగా ముగించేలా చూడాలి. ఖరీఫ్ మూడు వారాలు ముందుకు వచ్చింది కాబట్టి రబీ కూడా మూడు వారాలు ముందే ముగించాలి. అప్పుడు ఆదా అయ్యే నీటిని వచ్చే ఏడాది ఖరీఫ్ అవసరాలకు వినియోగించుకోగలమని’ ముఖ్యమంత్రి చంద్రబాబు దిశానిర్దేశం చేశారు.

కళ్యాణదుర్గం, డిసెంబర్ 10: కేంద్రంలో కాంగ్రెస్ పార్టీ అధికారంలోకి వస్తే ఆంధ్రప్రదేశ్‌కు తప్పకుండా ప్రత్యేక హోదా సాధిస్తామని ప్రదేశ్ కాంగ్రెస్ కమిటీ(పీసీసీ) అధ్యక్షుడు ఎన్.రఘువీరారెడ్డి తెలిపారు. రఘువీరా ఆదివారం అనంతపురం జిల్లా కళ్యాణదుర్గం మండల పరిధిలోని వివిధ గ్రామాల్లో పర్యటించి ‘ఇందిరమ్మ రాజ్యం- ఇంటింటా సౌభాగ్యం’ గురించి ప్రజలకు తెలియజేసి వారి సమస్యలను అడిగి తెలుసుకున్నారు.

విజయవాడ, డిసెంబర్ 10: రాష్ట్రంలోని లక్షా 80 వేల మంది ఉద్యోగులు, ఉపాధ్యాయులు, కార్మికులకు పాత పెన్షన్ విధానం కొనసాగించాలనే డిమాండ్‌పై ఇక ప్రత్యక్ష పోరుకు సన్నద్ధం కావాలని ఆదివారం నాడిక్కడ రెవెన్యూ భవన్‌లో జరిగిన ఏపీ జేఏసీ అమరావతి, ఉపాధ్యాయ సంఘాల సమాఖ్య జాక్టో, కాంట్రిబ్యూటరీ పెన్షన్ ఎంప్లారుూస్ అసోసియేషన్ల సంయుక్త ఆధ్వర్యంలో జరిగిన విస్తృత సమావేశం ఏకగ్రీవంగా నిర్ణయించింది.