అమరావతి, నవంబర్ 28: అనంతపురం జిల్లా ఓడిచెరువు మండలం తంగేడికుంట గ్రామంలో ఉన్న 6వేల ఎకరాల శోత్రియం భూములకు పట్టాలివ్వడానికి ప్రభుత్వం నిర్ణయించిందని చీఫ్ విప్ పల్లె రఘునాథరెడ్డి వెల్లడించారు. సచివాలయంలోని నాలుగో బ్లాక్ పబ్లిసిటీ సెల్‌లో మంగళవారం ఆయన విలేఖరులతో మాట్లాడారు. తంగేడికుంట గ్రామంలో 9,999 ఎకరాల్లో శోత్రియం భూములు ఉన్నాయన్నారు.

విశాఖపట్నం, నవంబర్ 28: పబ్లిక్, ప్రైవేట్ పార్ట్నర్‌షిప్ విధానంలో చేపట్టిన హైదరాబాద్ మెట్రో ప్రాజెక్ట్ ప్రపంచంలోనే అది పెద్ద మెట్రోగా గణతికెక్కింది. పదేళ్ల నుంచి ఎదురు చూస్తున్న మెట్రో రైలు నేడు ప్రజల ముందుకు వచ్చింది. ఉమ్మడి ఆంధ్రప్రదేశ్‌గా ఉంటే, ఈ ప్రాజెక్ట్‌ను చూసి ఆంధ్ర ప్రాంత ప్రజలు తెలంగాణ ప్రజల ఆనందంలో పాలుపంచుకునేవారు.

పాడేరు, నవంబర్ 28: వైసీపీ నాయకత్వం తనకు నమ్మకద్రోహం చేసినందునే పార్టీని వీడాల్సి వచ్చిందని పాడేరు ఎమ్మెల్యే గిడ్డి ఈశ్వరి స్పష్టం చేసారు. రాజధాని అమరావతి నుంచి మంగళవారం ఆమె టెలిఫోన్‌లో ‘ఆంధ్రభూమి’తో మాట్లాడుతూ గత మూడున్నరేళ్లుగా తాను పార్టీకి ఎంతో విధేయతగా వ్యవహరిస్తూ గిరిజన ప్రాంతంలో పార్టీ పటిష్టతకు శక్తి వంచన లేకుండా కృషి చేశానన్నారు.

విశాఖపట్నం, నవంబర్ 28: పోలవరం ప్రాజెక్టుకు ప్రధాని నరేంద్ర మోదీ, ముఖ్యమంత్రి చంద్రబాబు నాయుడు రాహు, కేతువుల్లాంటి వారని పీసీసీ ఉపాధ్యక్షుడు తులసి రెడ్డి మండిపడ్డారు. విశాఖ నగరంలో కాంగ్రెస్ పార్టీ కార్యాలయంలో మంగళవారం ఏర్పాటు చేసిన విలేఖరుల సమావేశంలో మాట్లాడుతూ కేవలం కమిషన్ల కోసమే ముఖ్యమంత్రి చంద్రబాబు పోలవరం ప్రాజెక్టు నిర్మాణ బాధ్యతలు తీసుకున్నారని ఆరోపించారు.