అమరావతి, నవంబర్ 27: రాష్ట్రంలో బాలల సమస్యల పరిష్కారానికి ప్రభుత్వం కట్టుబడి ఉందని శాసనసభ స్పీకర్ కోడెల శివప్రసాదరావు స్పష్టం చేశారు. సోమవారం ఏపీ అసెంబ్లీలోని కాన్ఫరెన్స్ హాలులో 13 జిల్లాల నుంచి వచ్చిన విద్యార్థులతో ఆయన మాట్లాడారు. ప్రస్తుత సమాజంలో బాలబాలికలు ఎదుర్కొంటున్న సమస్యలను పరిష్కరించాలంటూ స్పీకర్ కోడెలకు 13 జిల్లాల నుంచి వచ్చిన 64 మంది విద్యార్థులు వినతిపత్రం అందజేశారు.

విజయవాడ (క్రైం), నవంబర్ 27: సంక్రాంతి, క్రిస్మస్‌కు సంబంధించిన చంద్రన్న కానుకలు క్రిస్మస్ కంటే ముందే ఇస్తామని రాష్ట్ర పౌర సరఫరాల సంస్థ చైర్మన్ ఎం లింగారెడ్డి సోమవారం విలేఖరుల సమావేశంలో చెప్పారు. ప్రభుత్వం 300 నుంచి 350 కోట్లు ఖర్చు చేస్తోందని, ప్రతిపైసా సద్వినియోగం చేస్తామన్నారు. దుర్వినియోగం అయినట్లు తెలిస్తే ఎంతటి వారినైనా వదిలేది లేదని హెచ్చరించారు.

విజయవాడ, నవంబర్ 27: అమరావతి సచివాలయంలోని మొదటి బ్లాకులో సోమవారం రాజ్యాంగ దినోత్సవ వేడుకలు జరిగాయి. ఈ సందర్భంగా రాష్ట్ర సాధారణ పరిపాలనా శాఖ కార్యదర్శి ఎన్.శ్రీకాంత్ కార్యక్రమంలో పాల్గొని రాజ్యాంగ పీఠికను చదివి వినిపించారు. నవంబరు 26వ తేదీ రాజ్యాంగ దినోత్సవం కాగా ఆరోజు ఆదివారం సెలవు దినం కావడంతో ఈ వేడుకలను 27వ తేదీ సోమవారం సచివాలయంలో నిర్వహించారు.

విజయవాడ, నవంబర్ 27: ‘కొండ నాలుకకు మందు వేస్తే.. ఉన్న నాలుక ఊడిన చందంగా’ రేషన్ సరుకుల సరఫరాలో ప్రవేశపెట్టిన ఈపోస్ విధానంలో వేలిముద్రల కోసం తిరిగి తిరిగి తెల్లకార్డుదారుల కాళ్లు అరిగిపోతున్నాయి కానీ రేషన్ మాత్రం దక్కడం లేదంటూ ప్రస్తుత శాసనసభ సమావేశాల్లో సోమవారం జరిగిన ప్రశ్నోత్తరాల్లో అధికారపక్ష టీడీపీ, మిత్రపక్ష బిజెపి సభ్యులు మూకుమ్మడిగా ధ్వజమెత్తారు.