విశాఖపట్నం, నవంబర్ 23: ఆగ్నేయ బంగాళాఖాతం, దాన్ని ఆనుకుని ఉన్న తూర్పు బంగాళాఖాతంలో గురువారం అల్పపీడనం ఏర్పడినట్టు విశాఖ తుపాను హెచ్చరికల కేంద్రం అధికారులు తెలియచేశారు. దీని ప్రభావం తెలుగు రాష్ట్రాలపై ప్రస్తుతానికి లేకపోయినా, ఉత్తర కోస్తాలో వచ్చే 24 గంటల్లో తేలికపాటి జల్లులు కురుస్తాయని చెప్పారు.

అమరావతి, నవంబర్ 23: వైసీపీ అధినేత జగన్‌పై ఉన్న కేసులకు సంబంధించిన అంశాన్ని మళ్లీ జనంలోకి తీసుకెళ్లాలని టీడీపీ నాయకత్వం నిర్ణయించింది. త్వరలో జైలుకు వెళ్లబోయే ఆయనతో ప్రజలు, ఆ పార్టీ కార్యకర్తలు ఉంటారా? అనే ప్రశ్నలతో జనంలోకి వెళ్లాలని పార్టీ అధినేత, ముఖ్యమంత్రి చంద్రబాబు నాయుడు తన పార్టీ నాయకులకు సూచించారు. గురువారం జరిగిన పార్టీ కీలక నేతల సమవేశంలో దీనికి సంబంధించి ఆయన పలు సూచనలు చేశారు.

నెల్లూరు, నవంబర్ 23: జిల్లా, రాష్టస్థ్రాయిలో సమీక్షలు, వీడియోకాన్ఫరెన్స్‌లు, టెలీకాన్ఫరెన్స్‌లు, సెట్‌కాన్ఫరెన్స్‌లు బాగా పెరిగిపోయాయని వాటి పేరుతో అధికారులను, ఉద్యోగులను వేధించవద్దని ఏపీఆర్‌ఎస్‌ఏ రాష్ట్ర అధ్యక్షుడు బొప్పరాజు వెంకటేశ్వర్లు కోరారు.

విజయవాడ, నవంబర్ 23: ప్రపంచంలో ఆర్థిక నేరం ఎక్కడ జరిగినా ప్రతిపక్ష నేత వైఎస్ జగన్ పేరు బయటికొస్తోందని, ఆయన వల్ల రాష్ట్రానికి అప్రదిష్ట వస్తోందని టీడీపీ రాష్ట్ర అధ్యక్షుడు, విద్యుత్ శాఖ మంత్రి కళా వెంకట్రావ్ విమర్శించారు. వెలగపూడి సచివాలయంలోని నాలుగో బ్లాక్ పబ్లిసిటీ సెల్‌లో గురువారం ఆయన విలేఖరుల సమావేశంలో మాట్లాడారు. జగన్ అవినీతి మూలాలు రోజుకొకటి బయటపడుతున్నాయని ధ్వజమెత్తారు.