విజయవాడ, అక్టోబర్ 30: ఎడారి ప్రాంతాలైన దుబాయ్, అబుదాబి అద్భుత ప్రగతి సాధించాయి.. మత్స్యకార గ్రామం సింగపూర్ అభివృద్ధికి చిరునామా అయ్యింది.. అన్ని వనరులు ఉన్న ఆంధ్రప్రదేశ్ మరింత ప్రగతి సాధించాలి.. అందుకు అందరూ సహకరించాలి.. భాగస్వాములు కావాలి.. అభివృద్ధికి మారుపేరుగా ఆంధ్రప్రదేశ్ మారాలి. అధికారులు, ప్రజాప్రతినిధులు సమష్టిగా కృషి చేయాలి.. అని ముఖ్యమంత్రి చంద్రబాబు నాయుడు అన్నారు.

భీమవరం, అక్టోబర్ 30: రాష్ట్రంలోని ఫించనుదారుల లైఫ్ సర్ట్ఫికెట్లను ప్రభుత్వం డిజిటలైజేషన్ చేయనుంది. ఇందుకు సంబంధించిన ఉత్తర్వులను ఖజానా, ఉప ఖజానా కార్యాలయాలకు రాష్ట్ర ఆర్ధిక శాఖ పంపించింది. నవంబర్ 1వ తేదీ నుంచి రాష్ట్రంలో ఉన్న సుమారు 4 లక్షల మంది ఫించనుదారుల లైఫ్ సర్ట్ఫికెట్లు డిజిటలైజేషన్ చేయనుంది. 2018 ఏప్రిల్ 8వ తేదీ వరకు ఖజానా కార్యాలయాల్లో డిజిటలైజేషన్ చేయనున్నారు.

విశాఖపట్నం, అక్టోబర్ 30: విశాఖ, తూర్పు గోదావరి జిల్లాల్లో సాగవుతున్న గంజాయి పంటపై ఉక్కుపాదం మోపేందుకు ప్రభుత్వం రంగం సిద్ధం చేసింది. ఇందుకోసం మంగళవారం నుంచి ఈ రెండు జిల్లాల్లోని 11 మండలాల్లో స్పెషల్ డ్రైవ్ నిర్వహించాలని నిర్ణయించినట్టు ఎక్సైజ్ కమిషనర్ లక్ష్మినరసింహం తెలియచేశారు.

హైదరాబాద్, అక్టోబర్ 30: ముఖ్యమంత్రి ఎన్.చంద్రబాబునాయుడు మనీలాండరింగ్ వ్యవహారాలకు సింగపూరే కేంద్రమని వైఎస్‌ఆర్‌సిపి అధికార ప్రతినిధి వాసిరెడ్డి పద్మ ఆరోపించారు. చంద్రబాబు, ఆయన పరివారమంతా ఆస్తులు అక్కడే కూడ గట్టారని ఆరోపణల మీద ఆరోపణలు గుప్పించారు. చంద్రబాబు వైఖరి చూస్తుంటే రాను రాను సింగపూరే ఆంధ్రప్రదేశ్ రాజధాని అంటారేమోనని ఎద్దేవా చేశారు.