రాజమహేంద్రవరం, అక్టోబర్ 29: ఏలేరు ఆయకట్టుకు ఎట్టకేలకు పురుషోత్తపట్నం జలాలు తాకాయి. ఇప్పటివరకు పుష్కర ఎత్తిపోతల పథకం కాలువల ద్వారా పురుషోత్తపట్నం ఎత్తిపోతల పథకం జలాలను విడిచిపెట్టారు. ఈ పథకంలో పోలవరం ప్రాజెక్టు ఎడమ ప్రధాన కాలువ ద్వారా ఏలేరు రిజర్వాయర్‌కు గోదావరి జలాలను అనుసంధానం చేసే విధంగా డిజైన్ చేశారు. ఆగస్టు 15న రాష్ట్ర ముఖ్యమంత్రి ఆదరాబాదరా ఈ పథకాన్ని జలసిరిలో భాగంగా జాతికి అంకితం చేశారు.

కాకినాడ, అక్టోబర్ 29: ప్రజల సమస్యలను తెలుసుకుని, వాటి పరిష్కారానికి కృషిచేసేందుకు ప్రారంభించిన ఇంటింటికి తెలుగుదేశం కార్యక్రమానికి మంచి స్పందన లభిస్తోందని ఉప ముఖ్యమంత్రి, హోం మంత్రి నిమ్మకాయల చినరాజప్ప అన్నారు. ఇంటింటికి దేశంలో ప్రజల నుండి అందిన అర్జీల పరిష్కారానికి రాష్టస్థ్రాయిలో పక్కా ప్రణాళిక సిద్ధం చేస్తున్నట్టు తెలిపారు.

విజయవాడ, అక్టోబర్ 29: వివిధ శాఖల్లో అవినీతి, పురోగతికి సంబంధించి క్షేత్రస్థాయి వాస్తవాలు తెలుసుకోవాలన్న లక్ష్యంతో ప్రభుత్వం ఏర్పాటు చేసిన 1100 కాల్ సెంటర్‌కు అనూహ్య స్పందన లభిస్తోంది. తమ సమస్య పరిష్కారం అయిన తర్వాత మళ్లీ కాల్ సెంటర్‌కు ఫోన్ చేసి కృతజ్ఞతలు చెబుతున్న పరిస్థితి కాల్ సెంటర్ అధికారులను, ప్రభుత్వాన్ని ఆశ్చర్యానికి గురిచేస్తోంది. ఒకే ఒక్క ఫోన్ కాల్ వారి జీవితాలను మార్చేసింది.

విజయవాడ, అక్టోబర్ 29: వరుసగా రెండు ప్రతిష్ఠాత్మకమైన టైటిళ్లను గెలిచిన కిడాంబి శ్రీకాంత్ దేశానికే గర్వకారణమయ్యాడని ముఖ్యమంత్రి చంద్రబాబు నాయుడు ప్రశంసలతో ముంచెత్తారు. ఫ్రెంచ్ ఓపెన్ గెలిచి తిరుగులేని క్రీడాకారునిగా నిలిచిన శ్రీకాంత్‌కు ముఖ్యమంత్రి అభినందనలు తెలిపారు. శ్రీకాంత్ సాగిస్తున్న విజయ పరంపర దేశ క్రీడారంగానికే స్ఫూర్తిదాయకమని కొనియాడారు.