భీమవరం, అక్టోబర్ 27: రాష్ట్రంలో వెనుకబడిన తరగతుల ఆత్మగౌరవాన్ని దెబ్బతీస్తున్న జన్మభూమి కమిటీలను రద్దుచేయాలని పశ్చిమ గోదావరి జిల్లా భీమవరంలో శుక్రవారం జరిగిన బిసి చైతన్య మహాసభ డిమాండుచేసింది. బిసి కులానికి చెంది, చాయ్‌వాలాగా పేరొందిన ప్రధాని నరేంద్రమోదీ ఆధ్వర్యంలో త్వరలో పార్లమెంటు ఆమోదం పొందనున్న బిసి కమిషన్ బిల్లుతో బిసిల జీవితాల్లో మార్పులు చోటుచేసుకుంటాయని మహాసభ పేర్కొంది.

సీలేరు, అక్టోబర్ 27: మావోయిస్టులు మరోసారి పేట్రేగి ఆంధ్రా- ఒడిశా సరిహద్దు చిత్రకొండ సమీపంలోని ఎస్సార్ పైప్‌లైన్‌ను శుక్రవారం పేల్చివేసారు. దీంతో ఒడిశా, ఛత్తీస్‌ఘడ్ రాష్ట్రాల పోలీసు ఉన్నతాధికారులు అప్రమత్తం అయ్యారు. మావోయిస్టులు వారి ఉనికిని చాటుకునేందుకు పలు సంఘటనలకు పాల్పడుతున్న నేపథ్యంలో పోలీసులు మరింత అప్రమత్తమై భద్రతా చర్యలు కట్టుదిట్టం చేస్తున్నారు.

విశాఖపట్నం, అక్టోబర్ 27: తమిళనాడు, పరిసరాలను ఆనుకుని ఉపరితల ఆవర్తనం కొనసాగుతోందని విశాఖ తుపాను హెచ్చరికల కేంద్రం అధికారులు శుక్రవారం రాత్రి తెలిపారు. దీని ప్రభావంతో తమిళనాడు సహా దక్షిణ కోస్తాలో పలు చోట్ల తేలికపాటి వర్షాలు కురుస్తాయన్నారు. రాష్ట్రంలో మిగిలిన ప్రాంతం అంతా పొడి వాతావరణం ఉంటుందని తెలిపారు.

భీమవరం,అక్టోబర్ 27: పశ్చిమ గోదావరి జిల్లా భీమవరం శ్రీశ్రీశ్రీ మావుళ్ళమ్మ అమ్మవారి దేవస్ధానంలో అవినీతి నిరోధక శాఖ (ఎసిబి) శుక్రవారం సోదాలు చేపట్టింది. దేవస్థానం అసిస్టెంట్ కమిషనర్ హోదాలో ఉన్న నల్లం సూర్యచక్రధరరావు అక్రమాలకు పాల్పడ్టారంటూ వచ్చిన ఫిర్యాదులపై ఎసిబి డిఎస్పీ వలవల గోపాలకృష్ణ బృందం దేవస్థానం కార్యాలయంతో పాటు పలు విభాగాల్లో తనిఖీలు చేపట్టింది.