హైదరాబాద్, అక్టోబర్ 27: విజయవాడలో జరుగనున్న సభలో పాల్గొనేందుకు ప్రొఫెసర్ కంచ ఐలయ్యకు ఎపి పోలీసులు అనుమతివ్వలేదు. శనివారం విజయవాడలో జరగనున్న సభకు తప్పకుండా హాజరుకావాలని సిద్ధమవుతున్న కంచ ఐలయ్యకు శుక్రవారం ఎపి పోలీసులు తార్నాకలోని ఆయన నివాసానికి వచ్చి నోటీసులు అందజేశారు. ఇంటి నుంచి బయటకు వస్తే అరెస్టు చేస్తామని, ఆయన నివాసం వద్ద ఎపి తెలంగాణ పోలీసులు మఫ్టీలో తిష్టవేశారు.

న్యూఢిల్లీ, అక్టోబర్ 27: పోలవరం, వంశధార ప్రాజెక్టుల నిర్వాసితులకు న్యాయం చేయకపోతే జాతీయ స్థాయిలో ఉద్యమిస్తామని సీపీఐ జాతీయ కార్యదర్శి నారాయణ పేర్కొన్నారు. శుక్రవారం నాడు నారాయణ ఢిల్లీలో విలేఖరులతో మాట్లాడుతూ పోలవరం ప్రాజెక్టును కేంద్ర ప్రభుత్వమే నిర్మించాలని డిమాండ్ చేశారు. ప్రాజెక్టుల నిర్వాసితుల అంశాన్ని కేంద్ర, రాష్ట్ర ప్రభుత్వాలు పట్టించుకోవట్లేదని ఆయన ఆరోపించారు.

విజయవాడ, అక్టోబర్ 27: ముంబయి పర్యటనలో భాగంగా రియలన్స్ ఇండస్ట్రీస్ అధినేత ముఖేష్ అంబానీతో రాష్ట్ర ఐటి శాఖ మంత్రి లోకేష్ భేటీ అయ్యారు. రాష్ట్భ్రావృద్ధి కోసం ముఖ్యమంత్రి చంద్రబాబునాయుడు చేపడుతున్న వివిధ కార్యక్రమాలను, రాష్ట్రంలో పెట్టుబడులకు ఉన్న అనువైన వాతావరణం, తదితర అంశాలు వివరించారు. ఐటికి సంబంధించి తీసుకువచ్చిన విధానాలను వివరించారు. రాష్ట్ర అభివృద్ధిలో భాగస్వాములు కావాలని కోరారు.

విజయవాడ (క్రైం), అక్టోబర్ 26: సంచలన రచయిత కంచె ఐలయ్యకు విజయవాడలోని జింఖానా గ్రౌండ్స్‌లో ఈ నెల 28న ఆంధ్రప్రదేశ్‌లో దళిత సంఘాల జెఏసి తలపెట్టిన సన్మాన సభకు, అదే రోజు అక్కడే ఆర్యవైశ్య, బ్రాహ్మణ సంఘాల ఐక్యవేదిక తలపెట్టిన ఆత్మీయ సదస్సుకు పోలీసులు అనుమతి నిరాకరించారు. జింఖానా గ్రౌండ్స్‌లో దళిత సంఘాల జెఏసి ఆధ్వర్యాన కోమటోళ్లు స్మగ్లర్లు పుస్తక రచయిత కంచె ఐలయ్యకు సన్మానం జరపాలని నిర్ణయించారు.