అమరావతి, జూన్ 23: మూడురోజుల పాటు ప్రభుత్వాన్ని ఆందోళనకు గురిచేసిన ఉపాధ్యాయుల బదిలీ మార్గదర్శకాల వ్యవహారంలో విద్యాశాఖ మంత్రి గంటా శ్రీనివాసరావు, ఇద్దరు ఉన్నతాధికారుల నిర్లక్ష్య వైఖరిపై ముఖ్యమంత్రి చంద్రబాబునాయుడు తీవ్ర ఆగ్రహం వ్యక్తం చేసినట్లు తెలిసింది. మూడురోజుల నుంచి ఉపాధ్యాయులు కీలకమైన డిమాండ్లతో రోడ్డెక్కిన వైనం ప్రభుత్వానికి చెమటలు పట్టించింది.

విజయవాడ, జూన్ 23: తెల్ల రేషన్ కార్డునే ఆదాయ ధ్రువీకరణ పత్రంగా ఇకపై వ్యవహరిస్తారు. ఈ మేరకు ప్రభుత్వం శుక్రవారం ఉత్తర్వులు జారీ చేసింది. పాఠశాలల్లో ప్రవేశం, ఫీజు రీ-యింబర్సుమెంట్, ఉపకార వేతనాలు, వివిధ కార్పొరేషన్ల నుంచి రుణం, వివిధ ప్రభుత్వ పథకాలు పొందేందుకు ఆదాయ ధ్రువీకరణ పత్రాలను దాఖలు చేయాల్సి వస్తున్నది.

విజయవాడ (క్రైం), జూన్ 23: గుంటూరు, కృష్ణా, పశ్చిమగోదావరి, ప్రకాశం, నెల్లూరు జిల్లాల జిఎస్‌టి కమిషనర్‌గా సీనియర్ ఐఆర్‌ఎస్ అధికారి ఎం శ్రీహరిరావు నియమితులయ్యారు. ఈమేరకు శుక్రవారం గుంటూరులోని జిఎస్‌టి పన్ను చెల్లింపు సర్వీస్ కమిషనరేట్‌లో బాధ్యతలు స్వీకరించారు. ఈయన చెన్నై సర్వీస్ టాక్స్ అప్పీల్స్ కమిషనర్‌గా విధులు నిర్వహిస్తూ బదిలీ అయ్యారు. 1991 సివిల్ సర్వీసెస్ బ్యాచ్‌కు చెందిన ఐఆర్‌ఎస్ అధికారి.

విజయవాడ, జూన్ 23: అమరావతిని స్మార్ట్ సిటీగా ఎంపిక చేయడం పట్ల భారతీయ జనతాపార్టీ హర్షం వ్యక్తం చేసింది. ఈ మేరకు భారతీయ జనతాపార్టీ రాష్ట్ర అధ్యక్షుడు డాక్టర్ కంభంపాటి హరిబాబు శుక్రవారం ఒక ప్రకటన విడుదల చేశారు. స్మార్ట్ సిటీగా అమరావతిని ఎంపిక చేయడంతో ఈ నగరాన్ని రూ.1000 కోట్లతో అభివృద్ధి చేసే అవకాశం లభిస్తుందన్నారు. దీనివల్ల అమరావతి శోభాయమానంగా వెలుగొందే అవకాశం లభించిందన్నారు.