విజయవాడ, జూన్ 1: ఆంధ్రప్రదేశ్ ఫార్మర్స్ మేనేజ్‌మెంట్ ఆఫ్ ఇరిగేషన్ సిస్టం-1997 చట్టంలో భారీ మార్పులు చేస్తూ మంత్రిమండలి తీర్మానించింది. సాగునీటి సంఘాల కాలపరిమితిని ఆరేళ్ల నుంచి ఐదేళ్లకు తగ్గించింది. క్లిష్టతరంగా ఉన్న ఎన్నికల ప్రక్రియను సరళీకృతం చేసింది. చేతులు ఎత్తి ఆమోదం తెలిపే విధానం ప్రవేశపెట్టే సవరణకు ఆమోదం తెలిపింది.

విజయవాడ, మే 31: వచ్చే 15 నెలల్లో రాష్ట్రంలో 1.93 లక్షల ఇళ్లు నిర్మించాలని నిర్ణయించినట్టు రాష్ట్ర పురపాలక శాఖ మంత్రి పి నారాయణ తెలిపారు. వీటిలో కనీసం 10 శాతం ఇళ్లలో 2019 సంక్రాంతికి గృహ ప్రవేశాలు చేయించాలన్నదే సిఎం చంద్రబాబు దృఢ సంకల్పమని వివరించారు. పట్టణాభివృద్ధి సంస్కరణలపై మంత్రుల కమిటీ భేటీ అనంతరం ఆయన బుధవారం మీడియాతో మాట్లాడుతూ ఈ విషయాన్ని వెల్లడించారు.

రాజమహేంద్రవరం, మే 31: గోదావరి డెల్టాలో ఖరీఫ్‌కు 15 రోజులు ముందుగానే సాగు చేపట్టేలా కార్యాచరణ రూపొందిస్తున్నారు. ఇందులో భాగంగా కాటన్ బ్యారేజీ నుంచి 15 రోజులు ముందుగానే, జూన్ ఒకటో తేదీ నుంచి డెల్టా కాలువలకు నీటిని విడుదల చేస్తున్నారు. వ్యవసాయ శాఖ ఈ ఏడాది కొత్తగా ఖరీఫ్ కార్యాచరణ చేపట్టింది. రాష్ట్ర విభజన తర్వాత ఏడాదికి మూడు పంటలు చొప్పున సాగు విధానానికి శ్రీకారం చుట్టారు.

విజయవాడ, మే 30: పోలవరం ప్రాజెక్టు ఆంధ్రప్రదేశ్‌కు జీవనాడిగానే కాకుండా పర్యాటక రంగానికి ప్రాణనాడిగా మలిచేందుకు ప్రణాళికలు సిద్ధం చేయాలని సిఎం చంద్రబాబు అధికారులను ఆదేశించారు. పోలవరం ప్రాజెక్టు, పరిసర ప్రాంతాల్లోని పట్టిసీమ, ధవళేశ్వరం, పాపికొండలు, చిన్నచిన్న దీవులు ఆకర్షణగా నిలుస్తాయన్నారు. వీటిని పర్యాటకులు వీక్షించేలా సౌకర్యాలు కల్పించి, అభివృద్ధి చేయాలని సూచించారు.