అమరావతి, మే 13: ఉత్తరాంధ్ర, గ్రేటర్ హైదరాబాద్‌లో జరిగే జనసేన ఎంపిక శిబిరాలు ఈనెల 17 నుంచి ప్రారంభమవుతున్నాయి. 17,18 తేదీల్లో శ్రీకాకుళం, 19,20న విశాఖ జిల్లా, 23,24,25 తేదీల్లో గ్రేటర్ హైదరాబాద్‌లో ఈ శిబిరాలు జరుగుతాయి.

శ్రీకాకుళం, మే 13:మహేష్ హవాలా రాకెట్‌లో కొందరు ప్రజాప్రతినిధులు కూడా అతనితో చేతులు కలిపినట్టు తెలుస్తోంది. హవాలా మార్గంలో డబ్బును మలేసియా, బ్యాంకాక్, సింగపూర్ దేశాలకు మహేష్ తరలించినట్టు తేలడంతో ఉత్తరాంధ్రనుంచి ఆయా దేశాలకు తరచూ రాకపోకలు సాగించిన వారి వివరాలను కూపీ లాగుతున్నారు. గతంలో కొందరు ప్రజా ప్రతినిధులు ఈ దేశాలకు వెళ్లారన్న సమాచారాన్ని వారు రాబట్టినట్టు తెలుస్తోంది.

విజయవాడ, మే 13: సచివాలయానికి వచ్చే సందర్శకులు వేసవి తాపానికి గురికాకుండా ఉండేందుకు ప్రభుత్వం చర్యలు చేపట్టింది. రాష్ట్రంలోని 13 జిల్లాల నుంచి వివిధ పనులపై సచివాలయానికి వచ్చే ప్రజలు, అధికారులు, ప్రజాప్రతినిధులకు చల్లని మజ్జిగ ప్యాకెట్లను ఉచితంగా అందిస్తోంది. ఇందుకోసం ప్రత్యేకంగా ఒక ఆటోను కూడా ఏర్పాటు చేసింది.

అమరావతి, మే 13: వైసిపి అధ్యక్షుడు జగన్ రాజకీయాల్లో సైద్ధాంతిక దివాళాకోరుతనంతో తన వ్యక్తిగత ప్రయోజనాల కోసం ప్రధానమంత్రి నరేంద్రమోదీ కాళ్ల వద్ద మైనార్టీల హక్కులను తాకట్టుపెట్టారని ఏపి స్టేట్ మైనార్టీ ఫైనాన్స్ కార్పొరేషన్ చైర్మన్ ఎండి హిదాయత్ ధ్వజమెత్తారు.