విజయవాడ, మే 12: అమెరికాలో ముఖ్యమంత్రి చంద్రబాబు నాయుడి పర్యటన ముగిసింది. శుక్రవారం మధ్యాహ్నానికి ఢిల్లీ చేరుకున్న సిఎం, రాత్రికి విజయవాడ చేరుకున్నారు. ప్రముఖ ఐటి కంపెనీల సిఇఒలతో, పారిశ్రామివేత్తలతో వరుస భేటీలతో అక్కడ బిజీబిజీగా గడిపారు. రాష్ట్రంలో పెట్టుబడులు పెట్టేందుకు వివిధ సంస్థలు ఆసక్తి చూపుతున్నాయి. కొన్ని సంస్థలు ఒప్పందాలు చేసుకునేందుకు ముందుకు రావడం గమనార్హం.

కాకినాడ, మే 12: త్వరలో జరగనున్న రాష్టప్రతి ఎన్నికల్లో దేశంలోని లౌకిక పార్టీలన్నీ ఏకమై మతతత్వ పార్టీని నిరోధించాలని ప్రదేశ్ కాంగ్రెస్ (పిసిసి) కమిటీ అధ్యక్షుడు ఎన్ రఘువీరారెడ్డి పిలుపునిచ్చారు. ఇప్పటి వరకు వైఎస్సార్ కాంగ్రెస్ పార్టీ లౌకికతత్వానికి కట్టుబడివుందని అనుకున్నా ఆ పార్టీ అధినేత జగన్ ఇటీవల ప్రధాని మోదీని కలిసి తన నిజ స్వరూపాన్ని బయటపెట్టారన్నారు.

అమరావతి, మే 12: రాష్ట్రంలో తెలుగుదేశం-్భరతీయ జనతా పార్టీ మధ్య ఇక పథకాల ప్రచార యుద్ధానికి తెరలేవనుంది. అందుకు ప్రధానమంత్రి ఆవాస్ యోజన (పీఎంఏవై) వేదిక కానుంది. కేంద్రం రాష్ట్రానికి కేటాయించిన నాలుగు లక్షల ఇళ్లపై రెండు పార్టీలు పేటెంట్ కోసం రాజకీయ వ్యూహానికి పదును పెడుతున్నాయి.

విజయవాడ, మే 12: రాష్ట్రంలో కరవు పరిస్థితిని ఎప్పటికప్పుడు అంచనా వేసేందుకు వీలుగా వివిధ సంస్థలతో సాంకేతిక కమిటీని ఏర్పాటు చేస్తూ రాష్ట్ర ప్రభుత్వం ఉత్తర్వులు శుక్రవారం జారీ చేసింది. రాష్ట్రంలో ఇప్పటికే 301 మండలాలను కరవు మండలాలుగా ప్రకటించారు. ఇప్పటికే ప్రభుత్వం ఏర్పాటు చేసిన డ్రౌట్ మానిటరింగ్ సెల్ కరవు పరిస్థితులను గమనిస్తోంది.