S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

09/08/2016 - 18:08

హైదరాబాద్: రాజకీయంగా తనను ఎదుర్కొనలేక రాష్ట్రాన్ని కాంగ్రెస్ నేతలు దొడ్డిదారిన అన్యాయంగా విభజించారని సిఎం చంద్రబాబు ఆగ్రహం వ్యక్తం చేశారు. శాసనమండలిలో ఆయన ప్రసంగిస్తూ కాంగ్రెస్ ఎమ్మెల్సీ సి.రామచంద్రయ్యపై ఆగ్రహం వ్యక్తం చేశారు. విభజన సమస్యలు, కేంద్ర సాయం వంటి అంశాలపై ఆయన ప్రసంగిస్తుండా రామచంద్రయ్య అడ్డుతగిలారు.

09/08/2016 - 18:07

హైదరాబాద్: ఎపికి ప్రత్యేక హోదా విషయంలో రాజీపడే ప్రసక్తే లేదని, కేంద్రం తాజాగా ప్రకటించిన ప్యాకేజీలో నాలుగు విషయాలపై స్పష్టత వచ్చిందని సిఎం చంద్రబాబు శాసనమండలిలో గురువారం తెలిపారు. రాష్ట్ర విభజన తర్వాత లోటు బడ్జెట్‌ను భర్తీ చేయడంలో కేంద్రం నుంచి కొంత ఆలస్యం జరిగిందన్నారు.

09/08/2016 - 17:32

విజయవాడ : ఎపికి ప్రత్యేక హోదా ఇవ్వనందుకు ఈనెల 10న జాతీయ రహదారులను దిగ్భంధిస్తున్నట్లు పీసీసీ అధ్యక్షుడు ఎన్. రఘువీరారెడ్డి గురువారం తెలిపారు. రాష్ట్రంలో అధికారంలో ఉన్న టీడీపీ కేంద్రంలోని బీజేపీకి మద్దతిస్తూ కూడా ప్రత్యేక హోదాపై నిలదీయకపోవడం శోచనీయమన్నారు. ప్రత్యేక హోదా కావాలని ప్రతి ఒక్కరూ కోరుకుంటుంటే కేంద్ర మాత్రం ఎపి ప్రజల ఆశలపై నీళ్లు చల్లిందన్నారు.

09/08/2016 - 16:29

విశాఖపట్టణం : ప్రత్యేక హోదాతోనే యువతకు భవిష్యత్ ఉందని కాంగ్రెస్ రాజ్యసభ సభ్యుడు కేవీపీ రామచంద్రరావు గురువారం విలేకరులతో పేర్కొన్నారు. కేంద్ర, రాష్ట్ర విధానాలను నిరసిస్తూ ఈనెల 10న హైవేలను దిగ్భంధిస్తామన్నారు. సొంత ప్రయోజనాల కోసమే సీఎం చంద్రబాబు రాష్ట్రాన్ని తాకట్టుపెట్టారని, విజయవాడకు రైల్వేజోన్‌ తరలింపు కూడా ప్రాంతాల మధ్య చిచ్చుపెట్టడమేనన్నారు.

09/08/2016 - 16:11

హైదరాబాద్: ఎపికి ప్రత్యేక ప్యాకేజీ ఇస్తున్నట్లు కేంద్ర ఆర్థికమంత్రి అరుణ్‌జైట్లీ చేసిన ప్రసంగాన్ని స్వాగతిస్తున్నట్లు సిఎం చంద్రబాబు అనడం సముచితంగా లేదని, ఆ వ్యాఖ్యలను ఆయన వెంటనే ఉపసంహరించుకోవాలని వైకాపా అధ్యక్షుడు జగన్ డిమాండ్ చేశారు. ఎపి అసెంబ్లీ వాయిదా పడిన అనంతరం ఆయన మీడియాతో కాసేపు మాట్లాడుతూ, మోదీ మంత్రివర్గంలో ఉన్న తన ఇద్దరు మంత్రుల చేత చంద్రబాబు రాజీనామాలు చేయించాలన్నారు.

09/08/2016 - 15:49

విజయనగరం : పార్వతీపురం పోలీసులు గురువారం 500 మత్తు ఇంజక్షన్లను స్వాధీనం చేసుకున్నారు. దంగిరెడ్డి గణేష్ అనే వ్యక్తి ఒరిస్సా నుంచి విశాఖపట్నానికి మత్తు ఇంక్షన్లను తరలిస్తున్నాడని సమాచారం అందుకున్న పోలీసులు మార్గమధ్యలో అతన్ని పట్టుకుని, 500 మత్తు ఇంజక్షన్లను స్వాధీనం చేసుకుని కేసు నమోదు చేశారు.

09/08/2016 - 14:55

హైదరాబాద్: ఎపి అసెంబ్లీ సమావేశాల్లో సిఎం చంద్రబాబు జిఎస్‌టి బిల్లును ప్రవేశపెట్టి ప్రసంగిస్తుండగా విపక్ష వైకాపా ఎమ్మెల్యేలు గందరగోళం సృష్టించారు. గురువారం శాసనసభలో వైకాపా సభ్యుల ప్రవర్తనపై సిఎం చంద్రబాబు తీవ్రస్థాయిలో మండిపడ్డారు. కీలకమైన బిల్లుపై తాను వివరిస్తుండగా వైకాపా సభ్యులు సభ్యత మరచి నినాదాలు చేయడాన్ని చంద్రబాబు విమర్శించారు.

09/08/2016 - 14:55

అనంతపురం: ఎపికి ప్రత్యేకహోదా విషయంలో కేంద్రం మరోసారి రాష్ట్ర ప్రజలను వంచించిందని ఆగ్రహం వ్యక్తం చేస్తూ అనంతపురం జిల్లాలో గురువారం కాంగ్రెస్ కార్యకర్తలు, నాయకులు ఆందోళనలు చేపట్టారు. పలు చోట్ల రాస్తారోకోలు, ధర్నాలు చేపట్టారు. మడకశిరలో ఎపి పిసిసి అధ్యక్షుడు రఘువీరారెడ్డి నేతృత్వంలో కార్యకర్తలు మానవహారంగా ఏర్పడి కేంద్రం తీరుపై నిరసన తెలిపారు.

09/08/2016 - 14:55

హైదరాబాద్: రాష్ట్ర ప్రయోజనాలను ఆశించి ప్రత్యేక హోదాను సాధించేందుకు ఎట్టి పరిస్థితుల్లోనూ రాజీ పడే ప్రసక్తే లేదని మంత్రి యనమల రామకృష్ణుడు స్పష్టం చేశారు. ఆయన గురువారం అసెంబ్లీ మీడియా పాయింట్ వద్ద మాట్లాడుతూ, ప్రత్యేక హోదా కోసం కేంద్రంపై అన్ని రకాలుగా ఒత్తిడి పెంచుతామన్నారు. అరుణ్ జైట్లీ చేసిన ప్రకటనలో పోలవరం ప్రాజెక్టుకు పూర్తిగా కేంద్రం నిధులిస్తామనడం శుభ పరిణామన్నారు.

09/08/2016 - 14:54

విశాఖ: విభజన చట్టంలో హామీ ఇచ్చినట్లు విశాఖలో రైల్వే జోన్ ఏర్పాటు చేయకుంటే ఇక లోక్‌సభ సమావేశాలకు హాజరయ్యే ప్రసక్తే లేదని అనకాపల్లి టిడిపి ఎంపీ అవంతి శ్రీనివాస్ గురువారం ప్రకటించారు. విశాఖలో రైల్వే జోన్ ఏర్పాటుచేయాలంటూ ఇక్కడి జివిఎంసి కార్యాలయం ఎదుట గాంధీ విగ్రహం వద్ద ఆయన నిరసన దీక్ష ప్రారంభించారు.

Pages