నూజెండ్ల, ఏప్రిల్ 30: అనంతపురం - అమరావతి ఎక్స్‌ప్రెస్ హైవే జంక్షన్ భూసేకరణ సర్వేను ఆదివారం గుంటూరు జిల్లా నూజెండ్ల మండల రైతులు అడ్డుకున్నారు. నూజెండ్లలోని జెమిని పాల కేంద్రం సమీపంలో ఎక్స్‌ప్రెస్ హైవే అధికారుల బృందం భూములు సర్వే చేస్తున్నారనే సమాచారంతో సుమారు 200 మంది రైతులు అక్కడికి చేరుకున్నారు. వెంటనే సర్వే ఆపాలని అధికారుల బృందానికి హెచ్చరికలు చేశారు.

రాజమహేంద్రవరం, ఏప్రిల్ 30: సాంస్కృతిక ప్రాచీన ప్రాశస్థ్యం కలిగిన చారిత్రక రాజమహేంద్రవరం గోదావరి తీరం కళాకారులతో కోలాహలంగా మారింది. రాజమహేంద్రవరం శ్రీ వేంకటేశ్వర ఆనం కళా కేంద్రంలో ఆదివారం కందుకూరి నాటక రంగస్థల పురస్కారాలు, ఎన్టీఆర్ రంగస్థల పురస్కారం, నంది నాటకోత్సవ బహుమతుల ప్రదానోత్సవంగా వైభవంగా జరిగింది.

విజయవాడ, ఏప్రిల్ 30: అంతర్జాతీయ కార్మిక దినోత్సవం సందర్భంగా కార్మిక లోకానికి ముఖ్యమంత్రి చంద్రబాబు నాయుడు శుభాకాంక్షలు తెలిపారు. శ్రమ జీవుల కోసం ప్రభుత్వం అనేక సంక్షేమ పథకాలను ప్రవేశపెట్టిందని సిఎం గుర్తుచేశారు. శ్రమ సంస్కృతిని ప్రతి ఒక్కరు గౌరవించాలని, కష్టాల్లో ఉన్న రాష్ట్రాన్ని స్వర్ణాంధ్రగా మార్చడానికి తను శ్రమనే నమ్ముకున్నానని తెలిపారు.

అమరావతి, ఏప్రిల్ 30: ప్రభుత్వంలో ఐదుగురు సీనియర్ మంత్రులు ఉన్నప్పటికీ యువనేత లోకేష్ నెంబర్-టూగా రూపాంతరం చెందుతున్నారు. వివిధ శాఖలతో ముడిపడిన పంచాయతీరాజ్, గ్రామీణాభివృద్ధి శాఖ చినబాబును తెలంగాణ మంత్రి కెటిఆర్ మాదిరిగా ఆ స్థానానికి చేర్చేందుకు దోహదపడుతోంది. మంత్రిగా పదవీ బాధ్యతలు స్వీకరించిన తర్వాత లోకేష్ ఇప్పటివరకూ వరుసగా నిర్వహిస్తున్న సమీక్షల వివరాలేమీ బయటకు రావడం లేదు.