గుంటూరు, నవంబర్ 18: ఆంధ్రప్రదేశ్ సచివాలయం ఆవరణలో మొబైల్ రైతుబజార్‌ను ఏర్పాటు చేయాలని మహిళా ఉద్యోగ సంఘం సభ్యులు విజ్ఞప్తి చేశారు. ఈ విషయమై శుక్రవారం వ్యవసాయశాఖ మంత్రి ప్రత్తిపాటి పుల్లారావును సచివాలయ ఉద్యోగుల సంక్షేమ సంఘం అధ్యక్షురాలు ఎన్ సత్యసులోచన, అదనపు కార్యదర్శి కె జానకమ్మ తదితరులు కలుసుకుని వినతిపత్రం సమర్పించారు.

గుంతకల్లు, నవంబర్ 17: అనారోగ్యంతో బాధపడుతూ నడవలేని స్థితిలోఉన్న రోగిని వార్డులో చేర్చేందుకు ప్రభుత్వ ఆసుపత్రి సిబ్బంది సహకరించలేదు. కనీసం స్ట్రెచర్ అయినా ఇవ్వండని ప్రాధేయపడినా వారు స్పందించలేదు. దీంతో చేసేది లేక భర్తను భార్యే ర్యాంప్‌పై ఈడ్చుకుంటూ తీసుకెళ్లి వార్డులో చేర్పించింది. ఈ హృదయ విదారక సంఘటన అనంతపురం జిల్లా గుంతకల్లు ప్రభుత్వ ఆసుపత్రిలో బుధవారం జరిగింది.

హైదరాబాద్, నవంబర్ 17: కారెం శివాజీ ఇచ్చిన బయోడేటా ప్రాతిపదికపై అతడిని ఆంధ్రప్రదేశ్ ఎస్సీ, ఎస్టీ కమిషన్ చైర్మన్‌గా ఎలా నియమించారో వివరించాలని హైకోర్టు రాష్ట్ర ప్రభుత్వ న్యాయవాదిని ప్రశ్నించింది. గురువారం హైకోర్టు ధర్మాసనం ఏపి ప్రభుత్వం, కారెం శివాజీ దాఖలు చేసిన పిటిషన్లను విచారించింది.

న్యూఢిల్లీ, నవంబర్ 17: ఏపిలోని మంగళగిరిలో ఎయిమ్స్ నిర్మాణం 2018 నాటికి పూర్తి చేయాలని కేంద్రం నిర్ణయించింది. కేంద్రమంత్రి వెంకయ్యనాయుడు కార్యాలయంలో గురువారం ఏపిలో ఎయిమ్స్ నిర్మాణం, పిజి సీట్ల పెంపుతో పాటు ఆరోగ్యశాఖకు సంబంధించిన పలు పెండింగ్ అంశాలపై సమీక్ష సమావేశం జరిగింది.