కాకినాడ, నవంబర్ 15: ఆంధ్రప్రదేశ్‌లో పోలీసు కానిస్టేబుల్ పోస్టుల భర్తీకి సంబంధించిన రాత పరీక్ష ఫలితాలను కాకినాడ జెఎన్‌టియుకె మంగళవారం రాష్ట్ర ప్రభుత్వానికి పంపింది. ఈనెల 6వ తేదీన రాష్టవ్య్రాప్తంగా సుమారు 750 పరీక్షా కేంద్రాల్లో కాకినాడ జెఎన్‌టియు ఆధ్వర్యంలో కానిస్టేబుళ్ల నియామకానికి సంబంధించి రాత పరీక్ష నిర్వహించారు. 13 జిల్లాల నుండి సుమారు 3 లక్షల 50వేల మంది అభ్యర్ధులు రాత పరీక్షకు హాజరయ్యారు.

సూళ్లూరుపేట, నవంబర్ 14: భారత అంతరిక్ష పరిశోధన సంస్థ (ఇస్రో) మరో ప్రయోగానికి సన్నద్ధమవుతోంది. నెల్లూరు జిల్లా శ్రీహరికోటలోని భారత అంతరిక్ష ప్రయోగ కేంద్రం సతీశ్ ధావన్ స్పేస్ సెంటర్ (షార్) నుండి ఈ నెలాఖరులో పిఎస్‌ఎల్‌వి-సి 36 ప్రయోగానికి శాస్తవ్రేత్తలు సన్నాహాలు చేస్తున్నారు.

విజయవాడ, నవంబర్ 14: అంతర్జాతీయ బహుభాషా సమ్మేళనానికి హాజరైన అందరూ ఒక్కో ఇంట్లో ఒక కవిని తయారుచేయాలని ఏపి ముఖ్యమంత్రి చంద్రబాబు నాయుడు ఆకాంక్షించారు. విజయవాడలోని బరంపార్కులో జరుగుతున్న అంతర్జాతీయ బహుభాషా కవి సమ్మేళనంలో రెండో రోజైన సోమవారం ఆయన ముఖ్య అతిథిగా పాల్గొన్నారు. ఈ సందర్భంగా ఆయన మాట్లాడుతూ రెండు వేల సంవత్సరాల క్రితమే అమరావతికి ప్రపంచంలో గొప్ప గుర్తింపు ఉందన్నారు.

విశాఖపట్నం, నవంబర్ 14: విశాఖ కేంద్రంగా ఒకేరోజు 50 కోట్ల రూపాయల బంగారం అమ్ముడుపోయింది. ఆశ్చర్యం కలిగించినా ఇది యధార్థం. రూ.500, రూ.1000 నోట్లను రద్దు చేసినట్టు కేంద్రం ప్రకటించిన రోజు రాత్రి విశాఖ నగరంలో భారీయెత్తున బంగారం విక్రయాలు జరిగినట్టు ఆదాయపు పన్ను శాఖ అధికారులు గుర్తించారు.