అనంతపురం, అక్టోబర్ 16: అనంతపురం నగర పాలక సంస్థ మేయర్ మదమంచి స్వరూపకు పదవీ గండం పొంచి ఉంది. సొంత పార్టీ వారే ఆమె పదవికి ఎసరు పెడుతున్నారు. ముఖ్యంగా స్థానిక ఎమ్మెల్యే వైకుంఠం ప్రభాకరచౌదరి వెనకుండి పావులు కదుపుతున్నట్లు సమాచారం. కార్పొరేషన్ పరిధిలో నామినేషన్ పనుల కేటాయింపులో తలెత్తిన వివాదాలే మేయర్ మార్పునకు కారణమని తెలుస్తోంది.

హైదరాబాద్, అక్టోబర్ 16: ‘విభజన జరిగిన ఏడాదిన్నర వరకూ చంద్రబాబు హైదరాబాద్‌లో ఉండి పాలిస్తున్నారని విమర్శించాం. కానీ ఇప్పుడు మా పరిస్థితి కూడా అంతే ఉంది. అన్ని పార్టీలు బెజవాడకు వస్తే జగన్ హైదరాబాద్‌లో ఉండి పార్టీని నడిపిస్తున్నారు. దానివల్ల జగన్ బెజవాడ వచ్చేందుకు భయపడుతున్నారన్న సంకేతాలు వెళ్లే ప్రమాదం ఉంది. జగన్ ఏపికి మారకుండా, బెజవాడలో ఆఫీసు లేకపోతే గౌరవం ఉండదు’ ఇదీ వైసీపీ నేతల మనోగతం.

హైదరాబాద్, అక్టోబర్ 16: ఆంధ్రప్రదేశ్ రాజధాని అమరావతిలో అంతర్జాతీయ ప్రమాణాలతో ఆతిథ్య రంగంలో 20 హోటళ్లను నెలకొల్పే విషయమై ఈ నెల 18వ తేదీన ఉన్నత స్థాయి అధికారుల సమావేశాన్ని నిర్వహించనున్నారు. ఈ సమావేశంలో ముఖ్యమంత్రి చంద్రబాబు నాయుడు పాల్గొంటారు. ఈ వివరాలను ఇంధన శాఖ ముఖ్య కార్యదర్శి అజయ్ జైన్ వెల్లడించారు. అమరావతిని ఆతిథ్య రంగంలో అగ్రగామిగా తీర్చిదిద్దేందుకు ఈ సమావేశాన్ని ఏర్పాటు చేస్తున్నారు.

పెడన, అక్టోబర్ 15: సీనియర్ రాజకీయ నాయకుడు, మాజీ డిప్యూటీ స్పీకర్ బూరగడ్డ వేదవ్యాస్ వైఎస్‌ఆర్ కాంగ్రెస్ పార్టీకి గుడ్‌బై చెప్పారు. ఇకపై ఆ పార్టీలో తాను కొనసాగలేనని తేల్చి చెప్పారు. గత కొంత కాలంగా వేదవ్యాస్ అధినాయకత్వంపై తీవ్ర నిరాశ, నిస్పృహలతో ఉన్నారు. తన రాజకీయ జీవితంలో ఎన్నడూ ఎదుర్కోనన్ని అవమానాలు వైసిపి అధినేత జగన్ వల్ల ఎదుర్కొన్నానని వేదవ్యాస్ ఆవేదన వ్యక్తం చేశారు.