గుంటూరు, అక్టోబర్ 13: ముఖ్యమంత్రి చంద్రబాబు నాయుడు అమెరికా పర్యటన దాదాపు ఖరారయింది. వచ్చే నెల 12 నుంచి పదిరోజుల పాటు సాగే ఈ పర్యటనలో అమెరికా అధ్యక్షుని ఎన్నిక, రాష్ట్రానికి పెట్టుబడుల ఆకర్షణ ప్రధాన అంశాలని తెలుస్తోంది.

విజయవాడ, అక్టోబర్ 13: వేల అబద్ధాలతో తెలుగుదేశం ప్రభుత్వం రాష్ట్ర ప్రజలపై దండయాత్ర చేస్తూ పాలన సాగిస్తోందని, దీన్ని కాంగ్రెస్ పార్టీ అధికార ప్రతినిధులు సమర్ధవంతంగా ఎదుర్కొనేలా ప్రజలకు వాస్తవాలు తెలియజేసేందుకు కృషి చేయాలని ఏపిపిసిసి అధ్యక్షుడు డా. ఎన్ రఘువీరారెడ్డి పిలుపునిచ్చారు. గురువారం విజయవాడలో ఏపిపిసిసి అధికార ప్రతినిధుల రెండ్రోజుల శిక్షణ తరగతులను ఆయన ప్రారంభించారు.

గుంటూరు, అక్టోబర్ 13: ప్రభుత్వం ప్రతిష్ఠాత్మకంగా చేపట్టిన భారీ నీటిపారుదల ప్రాజెక్టులన్నింటినీ దశలవారీగా పూర్తి చేస్తామని రాష్ట్ర జలవనరుల శాఖ మంత్రి దేవినేని ఉమామహేశ్వరరావు వెల్లడించారు. గురువారం ఇక్కడి రాష్ట్ర తెలుగుదేశం పార్టీ కార్యాలయంలో ఆయన విలేఖర్లతో మాట్లాడుతూ తెలుగుగంగ ప్రాజెక్టును త్వరితగతిన పూర్తిచేసి పులివెందుల, లింగాలకు నీరందించటమే తమ ప్రధాన కర్తవ్యమని చెప్పారు.

విజయనగరం, అక్టోబర్ 13: నామినేటెడ్ పోస్టుల భర్తీపై త్వరలోనే పార్టీ తుది నిర్ణయం తీసుకోనుందని టిడిపి రాష్ట్ర అధ్యక్షుడు కిమిడి కళా వెంకటరావు వెల్లడించారు. గురువారం ఇక్కడ మాట్లాడుతూ కార్పొరేషన్లు, ఫెడరేషన్ల పదవులకు ఇప్పటికే నియామకాలు పూర్తిచేసామని, ఈరెండేళ్ల కాలంలో భర్తీచేసిన సంస్థల పాలకవర్గాల గడువు ముగిసిన వాటి స్థానే కొత్తకమిటీల ఎంపిక, గ్రంథాలయ సంస్థల పదవుల భర్తీ వంటివి ఉన్నాయని వివరించారు.