ఆదోని, అక్టోబర్ 12: సంప్రదాయం, సంస్కృతి పేరుతో సాగిన బన్ని ఉత్సవం ఈ సంవత్సరం కూడా రక్తసిక్తంగా మారింది. వంద మందికిపైగా గాయపడ్డారు. వీరిలో ఇద్దరి పరిస్థితి ఆందోళనకరంగా ఉంది. కాగడాలు విసరడంతో పలువురికి గాయాలయ్యాయి. కర్నూలు జిల్లా హొళగుంద మండలం నెరణికి నుంచి ఊరేగింపుగా బయలుదేరిన నెరణికి, నెరణికి తండా, కొత్తపేట గ్రామస్తులు తమ దేవుళ్లను రక్షించుకుంటామని డోళ్ళబండ వద్ద పాల బాసలు చేశారు.

విజయవాడ, అక్టోబర్ 12: విజయవాడ ఇంద్రకీలాద్రిపై జరుగుతున్న దసరా మహోత్సవాలు మంగళవారం రాత్రితో విజయవంతంగా ముగిశాయి. ఈ 11 రోజుల్లో దాదాపు 14 లక్షల మంది పైగా భక్తులు దుర్గమ్మను దర్శించుకున్నారు. ఎక్కడా ఎలాంటి అవాంఛనీయ ఘటనలు జరగకుండా చూడటంలో ఆలయ ఇవో ఎ సూర్యకుమారి, నగర పోలీస్ కమిషనర్ గౌతం సవాంగ్ సఫలీకృతులయ్యారు.

విజయవాడ, అక్టోబర్ 12: రాష్ట్రంలో నౌకా నిర్మాణం, రేవులు, తయారీ రంగం, వౌలిక సదుపాయాలు, ఏరోస్పేస్, ఎలక్ట్రానిక్స్, అణు విద్యుత్, రక్షణావసరాలు, తదితర ముఖ్యమైన రంగాల్లో పెట్టుబడులు పెట్టేందుకు తమ దేశానికి చెందిన సంస్థలు ఉత్సుకత చూపుతున్నాయని రష్యన్ ఫెడరేషన్ పరిశ్రమలు, వాణిజ్య శాఖల మంత్రి డెనిస్ మాంతురోవ్ తెలిపారు. ఆంధ్రప్రదేశ్ పునర్నిర్మాణంలో భాగస్వామి కావడానికి రష్యా సిద్ధంగా ఉందని ఆయన తెలిపారు.

విశాఖపట్నం, అక్టోబర్ 10: ఇస్రో, ప్రభుత్వం కలిసి సమన్వయంతో పని చేస్తే అభివృద్ధి, సంక్షేమ కార్యక్రమాల్లో విప్లవాత్మక మార్పులు చోటు చేసుకుంటాయని ముఖ్యమంత్రి చంద్రబాబు నాయుడు తెలిపారు. ఇస్రో విజ్ఞానాన్ని జన జీవన ప్రగతి దిశగా మళ్లించాలని, ఇందుకు రాష్ట్రాన్ని మోడల్‌గా తీసుకోవాలన్నారు.