విజయవాడ : ఆరోగ్యం మెరుగుపడటంతో కంచి కామకోటి పీఠాధిపతి జయేంద్ర సరస్వతిని గురువారం ఉదయం విజయవాడ ఆంధ్రా ఆసుపత్రి నుంచి డి శ్చార్జి చేశారు. 3 రోజుల క్రితం శ్వాస సంబంధిత సమస్యతో జయేంద్ర సరస్వతి అస్వస్థతకు గురయ్యారు. రాష్ట్ర ప్రభుత్వం తరఫున ఎన్టీఆర్‌ ఆరోగ్య విశ్వవిద్యాలయం ఉప కులపతి డాక్టర్‌ టి.రవిరాజు పర్యవేక్షణలో వైద్యం అందించారు.

విజయవాడ: ఓటుకు నోటు కేసులో ఏమీ లేదని, వైసీపీ ఉత్త పుణ్యానికే అల్లరిచేస్తోందని కేసు ప్రాతిపదికే చెల్లదని హైకోర్టు స్పష్టం చేసిన నేపథ్యంలో ఏసీబీ కోర్టుకు వెళ్లడంలో అర్థం లేదని ముఖ్యమంత్రి చంద్రబాబు గురువారం వ్యాఖ్యానించారు. రాష్ట్ర అభివృద్ధి కోసం నిరంతరం కష్టపడుతూ ఉంటే, వైసీపీ నేతలు కేసులు వేసి వెనక్కు లాగాలని ప్రయత్నిస్తున్నారని విమర్శించారు.

హైదరాబాద్, ఆగస్టు 31: మహిళలపై అత్యాచారాల గణాంక వివరాలను నేషనల్ క్రైమ్ రికార్డ్స్ బ్యూరో విడుదల చేసింది. సైబర్ నేరాలు ఆంధ్రాలో పెరిగితే, తెలంగాణలో తగ్గాయి. దేశం మొత్తం మీద సైబర్ నేరాల్లో ఆంధ్రప్రదేశ్ ఆరవ స్థానంలో నిలిచింది. ఆర్ధిక నేరాల్లో తెలంగాణలో 8979 కేసులు, ఆంధ్రాలో 6669 కేసులు నమోదయ్యాయి. 2015లో ఆంధ్రప్రదేశ్‌లో మహిళలపై అత్యాచారాల కేసులు 1027, తెలంగాణలో 1105 నమోదయ్యాయి.

రాజమహేంద్రవరం, ఆగస్టు 31: తూర్పు ఏజెన్సీలోని ఆదివాసీ గ్రామాల్లో మలేరియా వ్యాధి నిర్మూలనకు కేంద్ర ప్రభుత్వం రూ.1.50 కోట్లతో చేపట్టిన పైలట్ ప్రాజెక్టు సత్ఫలితాలనిస్తోంది. మూడేళ్లపాటు నిర్వహించే ఈ ప్రాజెక్టును ఆయూష్ మంత్రిత్వ శాఖ ద్వారా నిర్వహిస్తున్నారు. మలేరియా నిర్మూలనకు, సోకకుండా ముందస్తు నివారణ మందులు హోమియోపతి వైద్యంలోనేవుంది.