విజయవాడ : పులిచింతల ప్రాజెక్టు పరిధిలో తెలంగాణ ముంపు గ్రామాలకు పరిహారం ఇచ్చినా ఎందుకు ఖాళీ చేయించలేదని ఏపీ ప్రభుత్వం ప్రశ్నించింది. గుంటూరు జిల్లా పరిధిలోని గ్రామాలను ఖాళీ చేయించామని, గత ఏడాది ఇదే సమయంలో 13.5 టీఎంసీల నీళ్లు ఉన్నాయని తాము 15 టీఎంసీల నీళ్లు నిలవ చేస్తామని చెప్పింది.

ఏలూరు : కాలువలో పడి ఇద్దరు వ్యక్తులు గల్లంతైన విషాద సంఘటన బుధవారం గోపాలపురం మండలం వెంకటాయపాలెంలో జరిగింది. తాళ్లపూడి మండలం తిరుగుడుమెట్ట గ్రామానికి చెందిన మురళీ, వెంకటేష్‌ కొవ్వాడ కాలువలో పడి గల్లంతయ్యారు.

హిందూపురం, ఆగస్టు 30: ‘అన్నదాతలు ఎవరూ అధైర్యపడవద్దు.. ఇది మీ ప్రభుత్వం.... మీకు అన్నివిధాలా అండగా ఉండి ఆదుకుంటుంది... వీలైనంత ఎక్కువగా వేరుశెనగపంటను రెయిన్‌గన్ల ద్వారా కాపాడుకుందాం’ అని ముఖ్యమంత్రి చంద్రబాబు రైతులకు భరోసా ఇచ్చారు. అనంతపురం జిల్లా పర్యటనలో భాగంగా మంగళవారం రొద్దం మండలం పెద్దమంతూరులో మహిళా రైతు ఆదిలక్ష్మమ్మ పొలంలో ఏర్పాటు చేసిన రెయిన్‌గన్ పనితీరును ప్రయోగాత్మకంగా పరిశీలించారు.

కాకినాడ, ఆగస్టు 30: తూర్పు గోదావరి జిల్లా తొండంగి మండలంలోని కోన తీర ప్రాంతంలో దివీస్ యాజమాన్యం మందుల ఫ్యాక్టరీ నిర్మాణానికి రంగం సిద్ధంచేస్తుండటాన్ని పరిసర ప్రాంత ప్రజలు తీవ్రంగా వ్యతిరేకిస్తున్నారు. ఇక్కడ ఏ క్షణానైనా ఉద్రిక్త పరిస్థితులు ఏర్పడే అవకాశం ఉండటంతో ఆయా గ్రామాల్లో పోలీస్ పికెట్ ఏర్పాటుచేశారు.