హైదరాబాద్, ఆగస్టు 30: కొత్త జిల్లాలను ఏర్పాటు చేస్తున్నందున పోలీసు వ్యవస్థను సైతం పునర్ వ్యవస్థీకరించాలని పలువురు శాసన సభ్యులు కోరారు. సైబరాబాద్ మహానగర పోలీసు సవరణ బిల్లును హోంమంత్రి నాయిని నర్సింహారెడ్డి మంగళవారం శాసన సభలో ప్రవేశపెట్టిన తరువాత జరిగిన చర్చలో పలువురు శాసన సభ్యులు కొత్త జిల్లాల ఏర్పాటు అంశాన్ని ప్రస్తావించారు.

విశాఖపట్నం, ఆగస్టు 30: వాతావరణ శాఖ నుంచి ప్రమాద హెచ్చరికలను అందుకున్న వెంటనే తుపాను ప్రభావిత ప్రాంతాల్లోని మారుమూల ప్రాంతాలకు కూడా ఆ సమాచారాన్ని చేరవేసే విధంగా ఆంధ్రప్రదేశ్, ఒడిశా రాష్ట్రాలకు సంబంధించి ఒక వ్యవస్థను జాతీయ విపత్తు నిర్వహణ సంస్థ (ఎన్‌డిఎంఎ) అభివృద్ధి చేస్తోంది.

హైదరాబాద్, ఆగస్టు 30: నెలరోజులుగా వర్షాలు లేక అల్లల్లాడి పోతున్న రాష్ట్రానికి బంగాళాఖాతంలో అల్పపీడనం రూపంలో వరుణుడు కరుణించాడు. తీవ్ర కరవు బాధతో కనాకష్టం పడుతున్న సీమ రైతుకు వర్షం ఒక్కసారిగా ఊరట కలిగించింది. రాయలసీమలోని నాలుగు జిల్లాలు మంగళవారం వాన రాకడతో పులకించిపోయాయి. కర్నూలు, కడప, అనంతపురం జిల్లాల్లో పొలాలన్నీ ఒక్కసారిగా తడిసాయి. మరోవైపు గుంటూరు నుంచి నెల్లూరు దాకా భారీ వర్షపాతం నమోదైంది.

విజయవాడ, ఆగస్టు 30: కరవుపై యుద్ధం ప్రకటించాం. రాయలసీమ ప్రాంతంలో ఏర్పడిన అసాధారణ కరవు నివారించేందుకు అధికార యంత్రాంగాన్ని, సాంకేతిక వ్యవస్థను సమాయత్తం చేశానని ముఖ్యమంత్రి చంద్రబాబు చెప్పారు. స్థానిక కమాండ్ కంట్రోల్ రూంలో మంగళవారం ఏర్పాటు చేసిన విలేఖరుల సమావేశంలో ఆయన మాట్లాడుతూ వర్షపు నీటిని ఒడిసి పట్టి, పంటలను కాపాడేందుకు తీసుకున్న చర్యలు ఫలప్రదమయ్యాయని ఆయన చెప్పారు.