ఏలూరు : ఏలూరులోని జిల్లా జైలులో రిమాండ్ ఖైదీలుగా ఉన్న అగ్రి గోల్డ్ చైర్మన్ అవ్వా వెంకట రామారావు, ఎండీ శేషుకుమార్ అస్వస్థతకు గురయ్యారు. వెంటనే జైలు సిబ్బంది జిల్లా కేంద్ర ప్రభుత్వాసుపత్రికి తరలించారు. మెరుగైన వైద్యం కోసం వేరొక ఆసుపత్రికి తరలించాలని సూచించడంతో తిరిగి జిల్లా జైలుకు తరలించారు. ఉన్నతాధికారుల ఆదేశాల మేరకు నిర్ణయం తీసుకుంటామని జైలు వర్గాలు తెలిపాయి.

విజయవాడ: కాంగ్రెస్‌ పార్టీకి రాజీనామా చేసి, తెలుగుదేశం పార్టీలో చేరినట్లు మాజీ మంత్రి దేవినేని నెహ్రూ మంగళవారం మీడియాతో మాట్లాడుతూ తెలిపారు. తెదేపా రాష్ట్ర అధ్యక్షుడు కళా వెంకట్రావుతో కలిసి మంగళవారం ఉదయం నెహ్రూ, ఆయన కుమారుడు అవినాష్‌ ముఖ్యమంత్రి చంద్రబాబును కలిసి తెదేపాలో చేరారు. తెలుగుదేశం పార్టీలోకి రావడం పుట్టింటికి వచ్చినట్లుగా భావిస్తున్నాని నెహ్రూ అన్నారు.

తిరుపతి: తిరుమల కల్యాణకట్టలో అసిస్టెంట్ ఎగ్జిక్యూటివ్ ఆఫీసర్‌గా పనిచేస్తున్న తంగవేలు ఇంట్లో మంగళవారం ఉదయం అవినీతి నిరోధక శాఖ అధికారులు సోదాలు చేపట్టారు. తిరుపతితో పాటు మరో ఆరు ప్రాంతాల్లో ఆయన ఆస్తులపై ఏకకాలంలో దాడులు ప్రారంభించారు. సోదాల్లో భారీగా నగలు, నగదు, ఆస్తిపత్రాలను ఎసిబి అధికారులు స్వాధీనం చేసుకున్నారు.

విజయవాడ: కాంగ్రెస్ పార్టీకి చెందిన మాజీ మంత్రి దేవినేని నెహ్రూ, ఆయన కుమారుడు అవినాష్ మంగళవారం ఉదయం ఇక్కడ టిడిపి అధినేత, ఎపి సిఎం చంద్రబాబును కలిశారు. ఎపి టిడిపి అధ్యక్షుడు కళా వెంకట్రావును వెంటబెట్టుకుని నెహ్రూ, ఆయన తనయుడు చంద్రబాబును కలియడంతో టిడిపిలో ఆయన చేరడం లాంఛనప్రాయమైంది. వచ్చే నెల రెండో వారంలో నెహ్రూ అధికారికంగా టిడిపిలో చేరతారని సమాచారం.