విజయవాడ, ఆగస్టు 11: పుష్కర యాత్రికుల సేవలో ఎమ్మెల్యేలు, ఎమ్మెల్సీలు, ఇతర ప్రజాప్రతినిధులు నిమగ్నం కావాలని ముఖ్యమంత్రి చంద్రబాబు ఆదేశించారు. కృష్ణా పుష్కరాలపై తన నివాసం నుంచి గురువారం నిర్వహించిన టెలీకాన్ఫరెన్స్‌లో 1120 మంది ప్రజాప్రతినిధులు పాల్గొన్నారు. ఎవరికి వారు తమ తమ నియోజకవర్గాల్లో పుష్కర ఏర్పాట్లను, యాత్రికుల సదుపాయాలను దగ్గరుండి పర్యవేక్షించాలని సిఎం స్పష్టం చేశారు.

బెంజిసర్కిల్, ఆగస్టు 11: పుష్కరాల్లో అత్యంత ప్రధానమైన పిండ ప్రదానం కార్యక్రమాన్ని నిర్వహించే బ్రాహ్మణులకు నగరంలో చెదు అనుభవం ఎదురైయ్యింది. ప్రభుత్వ నిర్దేశించిన ఘాట్లలో వీరు పిండ ప్రధానం చేసేందుకు ప్రభుత్వం వీరి నుండి దరఖాస్తులను స్వీకరించారు. పుష్కరాల సమయం రావడంతో వీరంతా గురువారం ఉదయం పలు ప్రాంతాల నుండి నగరంలోని రైల్వే స్టేషన్‌కు చేరుకున్నారు.

విజయవాడ, ఆగస్టు 11: కృష్ణా పుష్కరాల స్నానాల కోసం జలవనరుల శాఖ అధికారులు 12 లక్షల ఎకరాలకు సాగు నీరందించే తూర్పు, పశ్చిమ డెల్టా కాలువలకు చుక్క నీరు వెల్లకుండా పూర్తిగా కట్టివేశారు. ఇక ప్రకాశం బ్యారేజీ దిగువ స్నాన ఘట్టాల నుంచి 10 అడుగుల వెడల్పులో వారధి వరకు మరో వైపు ఇసుక బస్తాలను అడ్డు వేసి తాత్కాలికంగా పుష్కర కాలువను ఏర్పాటు చేయటం జరిగింది.

విశాఖ : విశాఖపట్నంలోని కేడీపేట్ హైస్కూల్‌లో టెన్త్‌విద్యార్థిని లోవలక్ష్మి హోమ్ వర్క్ చేయలేదని ఓ ఉపాధ్యాయుడు ఆమెచేత వంద గుంజీలు తీయించాడు. దీనిపై ఆగ్రహించిన విద్యార్థిని తల్లిదండ్రులు డీఇఓ కృష్ణారెడ్డికి ఫిర్యాదు చేశారు.