న్యూఢిల్లీ, ఆగస్టు 8: అనంతపురం జిల్లాకు ప్రధాన మంత్రి పసల్ బీమా పథకాన్ని విస్తరించాలని టిడిపి సభ్యుడు జెసి దివాకర్ రెడ్డి లోక్‌సభలో డిమాండ్ చేశారు. సోమవారం లోక్‌సభ జీరో అవర్‌లో ఈ అంశాన్ని ప్రస్తావించారు. అనంతపురం కరవుబాధిత ప్రాంతం, ఇక్కడ వర్షపాతం కూడా చాలా తక్కువ అని చెబుతూ జిల్లా రైతుల ప్రయోజనాలను కాపాడేందుకు ప్రధాన మంత్రి పంటల బీమా పథకాన్ని ఈ జిల్లాలో వెంటనే అమలు చేయాలన్నారు.

ఖమ్మం (ఖానాపురం హవేలి), ఆగస్టు 8: రాష్ట్రంలో 6,400 కోట్ల రూపాయల వ్యయంతో 320 గురుకులాలు ఏర్పాటు చేసినట్లు ఉప ముఖ్యమంత్రి కడియం శ్రీహరి చెప్పారు.. సోమవారం ఖమ్మం నగరంలో జిల్లా ప్రవాస భారతీయులు (జిల్లా ఎన్‌ఆర్‌ఐ ఫోరం) ఆధ్వర్యంలో ఉపాధ్యాయులకు మోటివేషన్ కార్యక్రమాన్ని నిర్వహించారు. ఈ కార్యక్రమంలో ఆయన ముఖ్యఅతిథిగా మాట్లాడుతూ ఏ ప్రభుత్వమూ చేపట్టని పథకాలను తెలంగాణ ప్రభుత్వం అమలు చేస్తోందని చెప్పారు.

విజయపూరి సౌత్, ఆగస్టు 8: నాగార్జునసాగర్ జలాశయం నుండి ప్రధాన జల విద్యత్ కేంద్రం ద్వారా కృష్ణాడెల్టాకు సోమవారం మధ్యాహ్నం సాగర్ జెన్కో ఎస్‌సి రాజనరసయ్య నీటిని విడుదల చేశారు. కృష్ణా పుష్కరాలు ఈ నెల 12న ప్రారంభం కానున్న నేపథ్యంలో కృష్ణా ఆయకట్టు ప్రాంతాల్లో మంచినీటి ఎద్దడి తీవ్రంగా ఉండటంతో కృష్ణా రివర్ బోర్డు ఐదు టిఎంసిల నీటిని తక్షణమే విడుదల చేయాలని సాగర్ ప్రాజెక్టు అధికార్లకు సూచించింది.

రాజమహేంద్రవరం, ఆగస్టు 8: మద్యం మత్తులో ప్రయాణీకులతో అనుచితంగా, దురుసుగా ప్రవర్తించిన ఒక టిసిని రాజమహేంద్రవరం ఆర్‌పిఎఫ్ పోలీసులు అదుపులోకి తీసుకున్నారు. సోమవారం ఉదయం విశాఖపట్నం నుంచి సికింద్రాబాద్ వెళుతున్న జన్మభూమి ఎక్స్‌ప్రెస్ రైలులో ఈ ఘటన చోటుచేసుకుంది. గంగాప్రసాద్ అనే టిసి జన్మభూమి ఎక్స్‌ప్రెస్‌లో సోమవారం విధి నిర్వహణలో భాగంగా టిక్కెట్ల పరిశీలన చేపట్టారు.