తిరుమల:ఇకపై 90 రోజులు ముందుగానే శ్రీవారి సేవా టికెట్లను అందజేయనున్నట్లు, ఆన్‌లైన్‌లో సేవా టికెట్లు అందుబాటులో ఉంచనున్నట్లు టీటీడీ ఈవో సాంబశివరావు శుక్రవారం ఉదయం తెలిపారు. నమూనా ఆలయంలో ఉదయం7 నుంచి 9వరకు భక్తులకు అనుమతి ఇస్తున్నామన్నారు. రాగి డాలర్లను నమూనా ఆలయం వద్ద విక్రయిస్తామని చెప్పారు. 40కోట్లతో బర్డ్‌ ఆస్పత్రిని అభివృద్ధి చేయనున్నట్లు ఈవో ప్రకటించారు.

విజయవాడ, ఆగస్టు 4:దగాపడిన కులాలకు న్యాయం చేస్తానని ముఖ్యమంత్రి చంద్రబాబు హామీ ఇచ్చారు. రజ క, నారుూ బ్రాహ్మణ, వడ్డెర, కుమ్మరి/శాలివాహన, సగర, విశ్వబ్రాహ్మణ ఫెడరేషన్ల చైర్మన్లు, డైరక్టర్ల ప్రమాణ స్వీకారోత్సవం స్థానిక ఇందిరాగాంధీ మున్సిపల్ స్టేడియంలో గురువారం జరిగింది. ఈ సభలో చంద్రబాబు మాట్లాడుతూ వెనుకబడిన కులాల వారిని పైకి తీసుకురావడానికి బీజం వేసింది అప్పటి ముఖ్యమంత్రి ఎన్టీఆర్ అని అన్నారు.

హైదరాబాద్, ఆగస్టు 4: ఆంధ్రప్రదేశ్ మానవ వనరుల మంత్రి గంటా శ్రీనివాసరావుకు, విద్యాశాఖకు చెందిన వివిధ విభాగాల అధికారులకు మధ్య ప్రచ్ఛన్న యుద్ధం తారాస్థాయికి చేరింది. పాఠశాల విద్యాశాఖలో ఎస్‌సిఇఆర్‌టి, పరీక్షల బోర్డు, పుస్తక ప్రచురణ విభాగం, ఇంటర్మీడియట్ బోర్డు అధికారులతోనూ, ఉన్నత విద్యాశాఖ అధికారులతోనూ, సర్వ శిక్షా అభియాన్ అధికారులతో ప్రతి రోజూ పంచాయితీలు నడుస్తున్నాయి.

న్యూఢిల్లీ,ఆగస్టు 4: సాగరమాల ప్రాజెక్టులో భాగంగా కాకినాడలో కేంద్ర ఫుడ్ ప్రాసెసింగ్ శాఖ మెగా ఫుడ్ పార్కును ఏర్పాటు చేస్తున్నట్లు కేంద్రం ప్రకటించింది. ఈ పార్కును రూ.184.88 కోట్ల అంచనా వ్యయం ప్రారంభించనుంది. విశాఖపట్నం, కాకినాడ మధ్యలో దీన్ని ఏర్పాటు చేయనున్నారు. ఫుడ్ ప్రాసెసింగ్ రంగంలో ఎగుమతులు, దిగుమతులను ప్రోత్సహించడానికి ఈ పార్కును కోస్టల్ ఎకనామిక్ జోన్‌లో(సిఇజడ్)లో ఏర్పాటు చేయనుంది.