మచిలీపట్నం, మే 6: రాష్ట్ర బిసి సంక్షేమ, చేనేత, ఎక్సైజ్ శాఖ మంత్రి కొల్లు రవీంద్ర ఘోర రోడ్డు ప్రమాదం నుండి క్షేమంగా బయట పడ్డారు. గురువారం నెల్లూరు, చిత్తూరు, ప్రకాశం జిల్లాల పర్యటన ముగించుకుని విజయవాడ వస్తుండగా రవీంద్ర ప్రయాణిస్తున్న వాహనం అర్ధరాత్రి ఒంటి గంట సమయంలో గుంటూరు జిల్లా మంగళగిరి కాజ టోల్‌గేట్ వద్ద అదుపు తప్పి బోల్తా పడింది.

విజయవాడ, మే 6: రాష్ట్రానికి దామాష పద్ధతిన రావల్సిన కృష్ణా, గోదావరి జలాలను యథాతథంగా ఇవ్వాల్సిందేనని ముఖ్యమంత్రి చంద్రబాబు అన్నారు. దీనిపై ఎంతటి పోరాటికైనా సిద్ధమని స్పష్టం చేశారు. నదీ జలాల విషయంలో తెలంగాణ, ఆంధ్రప్రదేశ్ మధ్య తలెత్తిన విభేదాలను పరిష్కరించాలని కేంద్రాన్ని కోరనున్నట్టు చెప్పారు. విజయవాడ శుక్రవారం జరిగిన నీరు ప్రగతి చర్చా గోష్ఠిలో చంద్రబాబు పాల్గొన్నారు.

విజయవాడ, మే 6: రాజధాని అమరావతిని అన్ని రంగాల్లో అభివృద్ధి చేసేందుకు సింగపూర్ ప్రభుత్వం ఇచ్చిన ప్రతిపాదనలను పరిశీలించి, అందులో సాధ్యాసాధ్యాయలను అధ్యయనం చేసేందుకు రాష్ట్ర ప్రభుత్వం ఒక హైపవర్ కమిటీని ఏర్పాటు చేసింది. ఈ మేరకు శుక్రవారం ఉత్తర్వులు జారీ చేసింది. ఈ కమిటీకి రాష్ట్ర ఆర్థిక మంత్రి యనమల రామకృష్ణుడు చైర్మన్‌గా వ్యవహరించనున్నారు.

గుంటూరు: ఇక్కడి జిల్లా పోలీసు కార్యాలయంలో ఎఆర్ కానిస్టేబుల్ రమేష్ శుక్రవారం నాడు తన తుపాకీని శుభ్రం చేస్తుండగా అది పొరపాటున పేలింది. గాయపడిన అతడిని వెంటనే ఆస్పత్రికి తరలించారు.