తిరుపతి, ఏప్రిల్ 16: స్విమ్స్ డైరెక్టర్‌గా పనిచేస్తూ సెలవుపై వెళ్లిన డాక్టర్ టి ఎస్ రవికుమార్‌ను పూర్తిస్థాయిలో డైరెక్టర్‌గా నియమిస్తూ ప్రభుత్వ జిఓ జారీచేసిన నేపథ్యంలో ఆయన శనివా రం తన చాంబర్‌లో బాధ్యతలు స్వీకరించారు. తొలుత ఆయన తిరుమల శ్రీ వేంకటేశ్వర స్వామిని దర్శించుకొని వచ్చారు. ఇప్పటి వరకు ఇన్‌చార్జ్ డైరెక్టర్‌గా ఉన్న డాక్టర్ శివకుమార్ నుంచి రవికుమార్ బాధ్యతలు స్వీకరించారు.

కాకినాడ, ఏప్రిల్ 16: వచ్చే సార్వత్రిక ఎన్నికల్లో గెలుపే లక్ష్యంగా పనిచేయాలని బిజెపి నిర్ణయంచింది. ఇందులో భాగంగా కేంద్ర పథకాలను ప్రజల్లోకి తీసుకెళ్తారు. అలాగే ప్రధాని నరేంద్రమోదీ ఫొటోను ప్రతి గ్రామ పంచాయతీలో ఏర్పాటుచేయాలని బిజెపి నేతలు డిమాండ్ చేస్తున్నారు. ప్రతి గ్రామ పంచాయతీలో మోదీ చిత్రపటాన్ని ఏర్పాటుచేయించాల్సిన బాధ్యత రాష్ట్ర ప్రభుత్వానిదేనని పేర్కొంటున్నారు.

మడకశిర, ఏప్రిల్ 16: తెలంగాణ ముఖ్యమంత్రి కె చంద్రశేఖర్‌రావు సూచనల మేరకు ఆంధ్రప్రదేశ్ ముఖ్యమంత్రి చంద్రబాబునాయుడు పాలన సాగిస్తూ ప్రజలను, సంక్షేమాన్ని విస్మరిస్తున్నారని పిసిసి అధ్యక్షుడు ఎన్ రఘువీరారెడ్డి విమర్శించారు.

విజయవాడ: కృష్ణానది పుష్కరాలు సమీపిస్తున్నందున వివిధ పనులను పూర్తి చేసేందుకు ఎపి ప్రభుత్వం నిధులను మంజూరు చేసింది. కర్నూలు, గుంటూరు, కృష్ణా జిల్లాలో నదీ తీరం వెంబడి బారికేడ్ల నిర్మాణానికి 9.5 కోట్లు, అతిథిగృహాలు, ప్రభుత్వ బంగ్లాల ఆధునీకరణకు ఆరు కోట్ల రూపాయలను విడుదల చేశారు.