హైదరాబాద్, మార్చి 29: నూతన పర్యాటక విధానాన్ని అనుసరించి ఆంధ్రప్రదేశ్‌లో ఐదు ప్రాంతీయ టూరిజం హబ్‌లను ఏర్పాటు చేసేందుకు ప్రభుత్వం గ్రీన్‌సిగ్నల్ ఇచ్చింది. ఇందుకుగాను ఒక్కో హబ్‌కు రూ.1.50 కోట్ల చొప్పున మొత్తం రూ.7.50 కోట్లు మంజూరు చేస్తూ ప్రభుత్వం మంగళవారం ఉత్తర్వులు జారీ చేసింది.

హైదరాబాద్, మార్చి 29 : అంబేద్కర్ 125 వ జయంతి ఉత్సవాల సందర్భంగా దేశం వ్యాప్తంగా ఘనంగా ఉత్సవాలు జరిగేందుకు ఏర్పాట్లు జరగడం పట్ల శాసనసభలో ప్రతిపక్ష నాయకుడు వైఎస్ జగన్‌మోహన్‌రెడ్డి శ్లాఘించారు. అంబేద్కర్ జయంతి సందర్భంగా ఎపి శాసనసభలో మంగళవారం జరిగిన చర్చలో పాల్గొంటూ చంద్రబాబు ప్రభుత్వం ఎస్‌సి, ఎస్‌టిల సంక్షేమం కోసం ఎంతో చేస్తున్నట్టు గొప్పలు చెబుతోందని, వాస్తవ పరిస్థితి ఇందుకు భిన్నంగా ఉందన్నారు.

ఏటా మార్చి నెలలో రాజమహేంద్రవరం వాసులకు సాక్షాత్కరించే సుందర దృశ్యమిది. గోదావరి నదిపై పుష్కరాల రేవు సమీపంలోని పాత రైలు వంతెన (హేవలాక్), కొత్త రైలు వంతెన (బౌ స్ట్రింగ్) వంతెనకు సరిగ్గా మధ్యలో సూర్యాస్తమయం జరుగుతుంది. మార్చి 26 నుండి 30 వరకు ఐదు రోజులు ఈ అద్భుత అస్తమయం ఆవిష్కృతమవుతుంది. మంగళవారం సాయంత్రం 5.45 గంటల సమయంలో కనిపించిన ఈ అద్భుత అస్తమయాన్ని తిలకించడానికి పెద్దఎత్తున ప్రజలు తరలివచ్చారు.

గుంటూరు, మార్చి 29: రాజధాని అమరావతి పరిధిలోని లంకభూముల్లో రెవెన్యూ అధికారులు సర్వే ప్రారంభించారు. కేంద్ర రాజధాని ప్రాంతంలో లంక భూములకు మంచి గిరాకీ ఉండటంతో రైతులు తమ భూములు ఇచ్చిన ప్రదేశంలోనే స్థలాల కేటాయించాలని డిమాండ్ చేస్తున్నారు. తుళ్లూరు మండలంలోని రాయపూడి, వెంకటపాలెం గ్రామాల్లో సర్వే పూర్తి చేశారు.