హైదరాబాద్, మార్చి 18: వచ్చే నెలలో ఫార్మర్స్ ప్రొడ్యూసర్స్ ఆర్గనైజేషన్ ప్రారంభిస్తున్నామని ముఖ్యమంత్రి నారా చంద్రబాబునాయుడు తెలిపారు. వ్యవసాయాన్ని లాభసాటిగా మార్చాలన్న తన కలను సాకారం చేసే ఈ సంస్థకు రాయలసీమ నుండి శ్రీకారం చుడతామని ప్రకటించారు. వ్యవసాయాధారిత పరిశ్రమల సిఇఓలు, రీజనల్ హెడ్స్, ఇతర ప్రతినిధులతో ముఖ్యమంత్రి భేటీ అయ్యారు.

అనంతపురం: అనంతపురం జిల్లాలో ఎండ మండుతోంది. శుక్రవారం జిల్లాలో అత్యధికంగా 41.8 డిగ్రీల ఉష్ణోగ్రత నమోదయింది. జిల్లాలో గడచిన నాలుగైదు రోజులుగా 40 డిగ్రీల సెల్సియస్‌కు తగ్గకుండా ఉష్ణోగ్రతలు నమోదవుతున్నాయి. జిల్లాలోని యాడికి, బత్తలపల్లి, ఆమడగూరు, నార్పల, పుట్టపర్తి, శింగనమల, గుంతకల్లు, గుత్తి మండలాలతోపాటు మరో40 మండలాల్లో శుక్రవారం 41.8 డిగ్రీల సెల్సియస్ ఉష్ణోగ్రత నమోదయింది.

హైదరాబాద్:ఏపీలో ఇటీవల నిర్వహించిన ఇంటర్మీడియట్‌లో సెకండియర్ ఫలితాలు ఏప్రిల్ 23న విడుదల చేస్తామని విద్యాశాఖ మంత్రి గంటా శ్రీనివాసరావు వెల్లడించారు. ఉన్నతవిద్యామండలి వివాదంపై సుప్రీంకోర్టు తీర్పును స్వాగతిస్తున్నామని, దీనిపై మంత్రిమండలిలో చర్చిస్తామని ఆయన చెప్పారు. 21నుంచి ప్రారంభమయ్యే టెన్త్ పరీక్షలకోసం అన్ని ఏర్పాట్లు చేశామని ఆయన చెప్పారు.

హైదరాబాద్: హైకోర్టు తీర్పు ఇచ్చినా ఎమ్మెల్యే రోజాను శాసనసభలోకి అనుమతించకపోవడాన్ని తప్పుబడుతూ ఆ పార్టీ శాసనసభ్యులు రేపు నిరసన వ్యక్తం చేయనున్నారు. నల్లదుస్తులు ధరించి శాసనసభ సమావేశాలకు హాజరవ్వాలని వారు నిర్ణయించారు. రోజాకూడా సమావేశాలకు హాజరవుతారని ఆ పార్టీ ఎమ్మెల్యే ఉప్పలేటి కల్పన తెలిపారు.