S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

02/01/2016 - 12:10

విజయవాడ: కాపు గర్జన సందర్భంగా తూర్పు గోదావరి జిల్లాలో హింసాత్మక సంఘటనలు చోటు చేసుకోవడంతో విజయవాడలోనూ పోలీసులు శాంతిభద్రతలపై దృష్టి సారించారు. నగరంలో కాపు సామాజిక వర్గం నేతలు ఆందోళనలను చేపట్టకుండా పరిస్థితిని పోలీసు ఉన్నతాధికారులు సమీక్షిస్తున్నారు. పలు కీలక ప్రాంతాల్లో బారికేడ్లు ఏర్పాటుచేసి ట్రాఫిక్ ఆంక్షలు విధిస్తున్నారు.

02/01/2016 - 12:10

విజయవాడ: విజయవాడ ఇన్‌ఛార్జి పోలీస్ కమిషనర్‌గా సురేంద్రబాబు సోమవారం ఉదయం బాధ్యతలు చేపట్టారు. కాల్‌మనీ కేసు సందర్భంగా గతంలో సెలవు రద్దు చేసుకున్న కమిషనర్ గౌతం సవాంగ్ నుంచి ఆయన బాధ్యతలు స్వీకరించారు. గౌతంకు సెలవు మంజూరు చేస్తూ తాజాగా ప్రభుత్వం ఆదేశాలిచ్చింది.

02/01/2016 - 12:10

కాకినాడ: కాపులకు రిజర్వేషన్ల కోసం ఉద్యమిస్తున్న మాజీ మంత్రి ముద్రగడ పద్మనాభం ఈ రోజు మధ్యాహ్నం మూడు గంటలకు మీడియా సమావేశంలో తన కార్యాచరణ ప్రణాళికను ప్రకటిస్తారని తెలిసింది. అనంతరం ఆయన నాలుగు గంటలకు ఆమరణ నిరాహారదీక్ష ప్రారంభిస్తారని సమాచారం. ప్రభుత్వానికి చిత్తశుద్ధి ఉంటే ఈ రోజు మధ్యాహ్నంలోగా కాపులకు రిజర్వేషన్లపై జివో జారీ చేయాలని ఆయన డెడ్‌లైన్ విధించిన సంగతి తెలిసిందే.

02/01/2016 - 12:09

విశాఖ: కాపుగర్జన సందర్భంగా తునిలో హింసాత్మక ఘటనలకు ఎ.పి. సి.ఎం. చంద్రబాబే కారకుడని కాంగ్రెస్ నేత, మాజీ మంత్రి సి.రామచంద్రయ్య ఆరోపించారు. కాపులకు ఇచ్చిన హామీలను అమలు చేయడంలో విఫలమైనందునే ఈ ఘటన జరిగిందన్నారు. అయితే, ఉద్యమం ముసుగులో హింసకు ఎవరు పాల్పడినా ఉపేక్షించకూడదని ఆయన అన్నారు.

02/01/2016 - 12:08

చిత్తూరు: జిల్లాలోని చౌడేపల్లి మండలం బూరగపల్లి వద్ద సోమవారం ఉదయం ఓ బైక్‌ను తప్పించబోయి ఆర్టీసీ బస్సు పొలాల్లోకి దూసుకుపోయింది. ఈ ఘటనలో ఓ వ్యక్తి మరణించగా, 20 మంది గాయపడ్డారు.

02/01/2016 - 12:07

విజయవాడ: కాపు గర్జన సందర్భంగా హింసాత్మక ఘటనలు, ప్రస్తుత పరిస్థితులపై ఎ.పి. సి.ఎం. చంద్రబాబు అధికారులను అడిగి తెలుసుకున్నారు. సోమవారం ఆయన పోలీసు, రెవెన్యూ అధికారులతో టెలీకాన్ఫరెన్స్‌లో మాట్లాడుతూ, అవాంఛనీయ సంఘటనలు పునరావృతం కాకుండా గట్టి చర్యలు తీసుకోవాలని ఆదేశించారు. రాష్టవ్య్రాప్తంగా సమస్యాత్మక ప్రాంతాల్లో పోలీసు బందోబస్తును విస్తృతం చేయాలని సూచించారు.

02/01/2016 - 12:07

తుని: కాపు గర్జన సందర్భంగా ఆదివారం తునిలో రెండు పోలీసుస్టేషన్లు, రత్నాచల్ ఎక్స్‌ప్రెస్ దగ్ధం, ఇతర హింసాత్మక ఘటనల నేపథ్యంలో నెలకొన్న పరిస్థితులను ఈ రోజు పోలీసు శాఖ ఉన్నతాధికారులు పరిశీలించారు. కోస్తా ఆంధ్ర ప్రాంత ఐజి విశ్వజిత్, లా అండ్ ఆర్డర్ డిజి ఆర్పీ ఠాకూర్, ఏలూరు రేంజ్ డిఐజి హరికుమార్, జిల్లా ఎస్పీ తదితరులు తుని రూరల్, అర్బన్ పోలీసుస్టేషన్లలో జరిగిన ఆస్తినష్టాన్ని పరిశీలించారు.

02/01/2016 - 12:06

విశాఖ: తూర్పు గోదావరి జిల్లా తుని వద్ద ఆదివారం హింసాత్మక సంఘటన చోటు చేసుకున్న అనంతరం సోమవారం ఉదయం రైళ్ల రాకపోకలను యథావిధిగా ప్రారంభించారు. శ్రీకాకుళం మీదుగా ఫలక్‌నుమా, కోణార్క్, దిబ్రుగఢ్, పూరి-తిరుపతి రైళ్లు ఎలాంటి ఆటంకం లేకుండా నడుస్తున్నాయి. ఈస్ట్‌కోస్ట్ రైలు 5 గంటలు ఆలస్యంగా నడుస్తోంది. తునితోపాటు పలు రైల్వేస్టేషన్లలో భద్రతను కట్టుదిట్టం చేశారు.

02/01/2016 - 07:36

అనంతపురం, జనవరి 31: రాయలసీమ జిల్లాలకు తాగు, సాగునీరు అందించే ఉద్దేశంతో చేపట్టిన హంద్రీనీవా సుజల స్రవంతి ప్రాజెక్టు పనులు నానాటికీ భారమవుతున్నాయి. ఈ ప్రాజెక్టును ప్రారంభించి దశాబ్దకాలం పూర్తయినా ఇప్పటికీ పనులు పూర్తవలేదు. మరోవైపు ప్రాజెక్టు వ్యయం ప్రారంభం రోజుకీ ఇప్పటికీ చూస్తే రెట్టింపు అయ్యింది.

02/01/2016 - 07:21

హైదరాబాద్, జనవరి 31: తుని కాపుగర్జన సదస్సులో చోటు చేసుకుంటున్న సంఘటనలు తనను బాధించాయని సినీనటుడు పవన్ కళ్యాణ్ అన్నారు. కేరళలో సినిమా షూటింగ్‌లో ఉన్న ఆయన దాన్ని అర్థంతరంగా ముగించుకుని సోమవారం హైదరాబాద్‌కు రానున్నారు. తుని ఘటనలు, కాపుసామాజిక వర్గాన్ని బిసిల్లో చేర్చాలన్న డిమాండ్ తదితర అంశాలపై మీడియాతో మాట్లాడనున్నారు. పవన్ కల్యాణ్ కూడా కాపుసామాజికవర్గానికి చెందిన వ్యక్తి.

Pages