హైదరాబాద్, జూన్ 4: పర్యాటకాభివృద్ధి సంస్థ చైర్మన్‌గా పన్యాల భూపతిరెడ్డిని నియమిస్తూ ప్రభుత్వ ప్రధాన కార్యదర్శి ఎస్‌కె జోషి సోమవారం ఉత్తర్వులు జారీ చేసారు. ఇంతవరకు ఈ పోస్టులో కొనసాగిన పేర్వారం రాములు పదవీకాలం ముగియడంతో ఆయన స్థానంలో పన్యాల భూపతిరెడ్డిని నియమించినట్టు ఉత్తర్వులలో పేర్కొన్నారు. ఈయన పదవీకాలం రెండు సంవత్సరాలు ఉంటుందని పేర్కొన్నారు.

న్యూఢిల్లీ, జూన్ 4: భారత్‌లో ప్రైవేట్ సెక్టార్‌లో అతిపెద్ద బ్యాంక్ అయిన ఐసిఐసిఐ బ్యాంక్ కొత్త చైర్మన్ కోసం అనే్వషణ ప్రారంభించింది. ప్రస్తుతం నాన్ ఎగ్జిక్యూటివ్ చైర్మన్‌గా ఉన్న ఎంకె శర్మ పదవీ కాలం ఈ నెల 30తో ముగుస్తుండటంతో ఆయన స్థానంలో చైర్మన్ కోసం బ్యాంక్ ప్రయత్నాలు ప్రారంభించింది. ప్రస్తుతం స్వతంత్ర డైరెక్టర్‌లుగా ఉన్నవారిని నియమించాలా?

ముంబయి: 2017లో సగటున విమాన చార్జీలు 18 శాతం తగ్గిపోయాయని, ఇదే సమయంలో దేశీయ విమాన ప్రయాణికుల సంఖ్య, 2014 నుంచి 2018 వరకు వార్షికంగా 19 శాతం వృద్ధి నమోదైందని కేంద్ర పౌర విమానయాన శాఖ మంత్రి సురేష్ ప్రభు తెలిపారు. ‘సాఫ్‌నియత్ సహీ వికాస్’ శీర్షిక కింద ఆయన వరుస ట్వీట్‌లు చేస్తూ, దేశీయంగా విమానాల తయారీకి సంబంధించి బ్లూ ప్రింట్‌ను తమ మంత్రిత్వశాఖ రూపొందిస్తున్నదన్నారు.

న్యూఢిల్లీ, జూన్ 3: రైతుల ప్రయోజనాలకోసం కేంద్ర ప్రభుత్వం కీలకమైన నిర్ణయం తీసుకుంది. దీని ప్రకారం, విదేశీ నౌకలు వ్యవసాయం, మత్స్యపరిశ్రమ, జంతు ఉత్పత్తులతో భారత తీర ప్రాంతాలకు అనుమతిస్తూ కేంద్ర ప్రభుత్వం లైసెన్స్‌లు జారీ చేస్తుంది. ఇదే సమయంలో భారత పౌరులు ఈ నౌకలను అద్దెకు తీసుకునేందుకు ప్రభుత్వం అనుమతిస్తుందని కేంద్ర మతత్రి నితిన్ గడ్కరీ వెల్లడించారు.