న్యూఢిల్లీ, ఆగస్టు 18: ఉద్యోగ భవిష్య నిధి సంస్థ (ఇపిఎఫ్‌ఓ) ప్రస్తుత ఆర్థిక సంవత్సరంలో ప్రావిడెంట్ ఫండ్ (పిఎఫ్) డిపాజిట్లపై చెల్లించే వడ్డీ రేటును త్వరలో జరుగనున్న ట్రస్టీల సమావేశంలో ప్రకటించే అవకాశం ఉంది. దేశంలోని 4.5 కోట్ల మందికిపైగా పిఎఫ్ చందాదారులకు 2015-16లో 8.8 శాతం వడ్డీ చెల్లించిన ఇపిఎఫ్‌ఓ గత ఆర్థిక సంవత్సరం (2016-17)లో దానిని 8.65 శాతానికి తగ్గించిన విషయం తెలిసిందే.

న్యూఢిల్లీ, ఆగస్టు 18: దేశంలో రెండవ అతిపెద్ద ఐటి కంపెనీ అయిన ఇన్ఫోసిస్ సిఈఓ పదవికి విశాల్ సిక్కా రాజీనామాకు కంపెనీ వ్యవస్థాపకుల్లో ఒకరైన ఎన్‌ఆర్ నారాయణమూర్తి ‘నిరంతర విమర్శలే’ కారణమని ఆ కంపెనీ బోర్డు తీవ్ర స్థాయిలో ధ్వజమెత్తింది. సిక్కా నాయకత్వంలో కంపెనీ రెవిన్యూ పరంగా మంచి ఫలితాలనే సాధించిందని కూడా బోర్డు ప్రశంసించింది.

వాషింగ్టన్, ఆగస్టు 17: అభివృద్ధి అవసరాల నిమిత్తం భారత్‌కు దీర్ఘ కాలం పాటు ముడి చమురును సరఫరా చేస్తామని అమెరికా అధ్యక్షుడు డొనాల్డ్ ట్రంప్ హామీ ఇవ్వడంతో ఇరు దేశాల మధ్య మళ్లీ చమురు వ్యాపారం మొదలైంది. దీంతో అమెరికా నుంచి తొలుత దిగుమతి అవుతున్న 100 మిలియన్ డాలర్ల విలువైన ముడి చమురు వచ్చే నెలలో మన దేశానికి చేరుకోనుంది.

న్యూఢిల్లీ, ఆగస్టు 17: షాపూర్‌జీ పల్లోంజీ (ఎస్‌పి) గ్రూపుతో అన్ని రకాల వ్యాపార లావాదేవీలను తెగతెంపులు చేసుకునే దిశగా కొత్త చైర్మన్ ఎన్.చంద్రశేఖరన్ ఆధ్వర్యంలోని టాటా గ్రూపు అడుగులు వేస్తోంది. ఎస్‌పి గ్రూపును టాటా సన్స్ సంస్థ చైర్మన్ పదవి నుంచి ఉద్వాసనకు గురైన సైరస్ మిస్ర్తి నడుపుతున్న విషయం తెలిసిందే.