S ,7 à 8 RSCA (si SASPAS) et 6 cialis pharmacie cialis rapports de stage.

బిజినెస్

05/24/2016 - 01:01

బ్యాంకాక్, మే 23: భారత్, థాయిలాండ్, మయన్మార్ దేశాలు 1,400 కిలోమీటర్ల పొడవైన రహదారి నిర్మాణానికి సిద్ధమవుతున్నాయి. ఈ మేరకు థాయిలాండ్‌లో భారత రాయబారి భగవంత్ సింగ్ బిష్ణోయ్ తెలిపారు. ఈ రహదారి ఆగ్నేయాసియాతో భారత్‌ను అనుసంధానించనుందని చెప్పారు.

05/24/2016 - 00:59

టెహ్రాన్, మే 23: ప్రధాన మంత్రి నరేంద్ర మోదీ, ఇరాన్ అధ్యక్షుడు హసన్ రౌహని, అఫ్గానిస్తాన్ అధ్యక్షుడు అషఫ్ ఘని.. సోమవారం ఇరాన్ దక్షిణ తీరంలోని చబహర్ పోర్టుపై త్రైపాక్షిక రవాణా ఒప్పందానికి సంతకాలు చేశారు. మూడు దేశాల అధిపతుల సమక్షంలో కుదిరిన ఈ ఒప్పందం అనంతరం ప్రధాని మోదీ మాట్లాడుతూ ‘త్రైపాక్షిక రవాణాపై జరిగిన ఈ ఒప్పందం.. మూడు దేశాల చారిత్రాత్మక ఒప్పందం’గా అభివర్ణించారు.

05/24/2016 - 00:57

విశాఖపట్నం, మే 23: తీరప్రాంత గస్తీలో మరో కొత్త నౌక వచ్చి చేరింది. గార్డెన్ రీచ్ షిప్ బిల్డర్స్ అండ్ ఇంజనీర్స్ (జిఆర్‌ఎస్‌ఇ) పూర్తి స్వదేశీ పరిజ్ఞానంతో రూపొందించిన ఐఎన్‌ఎస్ తర్ముగలిని తూర్పునౌకాదళ ప్రధానాధికారి హెచ్‌సిఎస్ బిస్త్ సోమవారం నౌకదళ సేవల్లో ప్రవేశపెట్టారు. ఐఎన్‌ఎస్ తర్ముగలి 320 టన్నుల బరువుతో 48 మీటర్ల పొడవుతో తయారైంది.

05/24/2016 - 00:55

విజయవాడ, మే 23: ఈ ఏడాది రాష్ట్రంలో కోటి ఎకరాలకుపైగా ఉద్యానవన పంటలను సాగులోకి తీసుకొచ్చేలా కార్యాచరణ ప్రణాళికలు రూపొందిస్తున్నామని ఆంధ్రప్రదేశ్ ముఖ్యమంత్రి నారా చంద్రబాబు నాయుడు తెలిపారు. కనీసం 40 లక్షల ఎకరాల్లో హార్టీకల్చర్ పంటలను సాగులోకి తీసుకురావడం.. కోటీ 30 లక్షల ఎకరాల్లో ఇతర వ్యవసాయ పంటల సాగు ద్వారా వచ్చే ఆదాయంతో సరిసమానమవుతుందని చెప్పారు. ఆ దిశగా చర్యలు చేపట్టాలని అధికారులకు సూచించారు.

05/24/2016 - 00:53

ముంబయి, మే 23: పేమెంట్స్ బ్యాంకుల ఏర్పాటు నుంచి రెండు గ్రూపులు వైదొలగడం అసంతృప్తికి గురిచేసిందని రిజర్వ్ బ్యాంక్ ఆఫ్ ఇండియా (ఆర్‌బిఐ) డిప్యూటి గవర్నర్ ఎస్‌ఎస్ ముంద్రా అన్నారు. పేమెంట్స్ బ్యాంకుల కోసం వచ్చిన దరఖాస్తులను ఎంతగానో పరిశీలించి చివరకు కొన్నింటినే ఆమోదించామని, కానీ ఇప్పుడు వాటిలో కొందరు వెనక్కి తగ్గడం బాగోలేదని సోమవారం ఇక్కడ విలేఖరులతో మాట్లాడుతూ అన్నారు.

05/24/2016 - 00:52

ముంబయి, మే 23: దేశీయ స్టాక్ మార్కెట్లు సోమవారం నష్టాల్లో ముగిశాయి. గత వారం వరుస మూడు రోజుల నష్టాలను కొనసాగిస్తూ సోమవారం కూడా సూచీలు నేలచూపులు చూశాయి. అమెరికా రిజర్వ్ బ్యాంకైన ఫెడ్ రిజర్వ్.. జూన్‌లో కీలక వడ్డీరేట్లను పెంచనుందన్న అంచనాలు మార్కెట్ సెంటిమెంట్‌ను దెబ్బతీశాయి.

05/23/2016 - 07:45

న్యూఢిల్లీ, మే 22: ప్రభుత్వరంగ బ్యాంకింగ్ దిగ్గజం ఎస్‌బిఐ, బొగ్గు ఉత్పాదక దిగ్గజం కోల్ ఇండియా తదితర బ్లూచిప్ సంస్థల త్రైమాసిక ఆర్థిక ఫలితాలు ఈ వారం మార్కెట్ సరళిని నిర్దేశిస్తాయని నిపుణులు అంచనా వేస్తున్నారు. వర్ష సమాచారం కూడా మార్కెట్ పోకడను ప్రభావితం చేయగలదని చెబుతున్నారు.

05/23/2016 - 07:42

న్యూఢిల్లీ, మే 22: కాలుష్యకారక పాత వాహనాలను వదిలించుకోవడం వల్ల ఆటో పరిశ్రమ టర్నోవర్ భారీగా పెరగనుందని కేంద్ర రోడ్డు రవాణా, జాతీయ రహదారుల శాఖ మంత్రి నితిన్ గడ్కరీ అన్నారు.

05/23/2016 - 07:42

న్యూఢిల్లీ, మే 22: విదేశీ మదుపరులు దేశీయ స్టాక్ మార్కెట్లలోకి ఈ నెలలో ఇప్పటిదాకా దాదాపు 1,800 కోట్ల రూపాయల పెట్టుబడులను తెచ్చారు. ఈ ఏడాది తొలి రెండు నెలల్లోనూ పెట్టుబడుల ఉపసంహరణల ధ్యాసతోనే నడిచిన విదేశీ పోర్ట్ఫోలియో మదుపరులు (ఎఫ్‌పిఐ).. మలి రెండు నెలల్లో మాత్రం పెట్టుబడుల ప్రవాహాన్ని సృష్టించారు.

05/23/2016 - 07:41

భువనేశ్వర్, మే 22: సంస్కరణలు, ఆర్థికపరమైన అంశాలపై రిజర్వ్ బ్యాంక్ ఆఫ్ ఇండియా (ఆర్‌బిఐ) గవర్నర్ రఘురామ్ రాజన్ మరోసారి తనదైన శైలిలో స్పందించారు. దేశంలో నిర్మాణాత్మక సంస్కరణలను వేగవంతం చేయడానికి రాజకీయంగా అనేక అడ్డంకులు ఎదురవుతున్నాయని అన్నారు. వృద్ధిరేటు బలోపేతానికి ద్రవ్యోల్బణం అదుపు, బ్యాంకింగ్ రంగంలో మొండి బకాయిల నిర్మూలన ప్రక్రియకూ రాజకీయ అవాంతరాలు ఎదురవుతున్నాయని రాజన్ వ్యాఖ్యానించారు.

Pages