న్యూఢిల్లీ, జనవరి 22: అక్రమంగా ఆస్తులను కూడబెట్టిన నల్లకుబేరులను కేంద్ర ప్రభుత్వం మరోసారి తీవ్రస్థాయిలో హెచ్చరించింది. తమ కళ్లు గప్పి అక్రమ ఆస్తులను దాచిపెట్టలేరని, కనుక ప్రధాన మంత్రి గరీబ్ కళ్యాణ్ యోజన (పిఎంజికెవై) పథకం కింద ఒకేసారి అన్ని అప్రకటిత ఆస్తులను వెల్లడించి ఇబ్బందులు తలెత్తకుండా చూసుకోవాలని ఆదాయ పన్ను విభాగం వారికి స్పష్టం చేసింది.

న్యూఢిల్లీ, జనవరి 22: విదేశాల్లో భారత సంస్థల మొత్తం ప్రత్యక్ష పెట్టుబడులు గత నెలలో 32 శాతం పెరిగి 2.49 బిలియన్ డాలర్లకు చేరుకున్నాయి. భారత కంపెనీల పెట్టుబడులకు సింగపూర్ ప్రధాన గమ్యస్థానంగా ఆవిర్భవించింది. డిసెంబర్‌లో భారత సంస్థలు సింగపూర్‌లో 2.06 బిలియన్ డాలర్ల పెట్టుబడులు పెట్టాయి. ఆ దేశంలో పెట్టుబడులు పెడతామని భారత కంపెనీలు హామీ ఇచ్చిన మొత్తం సొమ్ములో ఇది 82.5 శాతం కంటే ఎక్కువ.

హైదరాబాద్, జనవరి 22: తెలంగాణ రాష్ట్రంలో పర్యాటక రంగం వేగంగా ముందుకు వెళుతోందని తెలంగాణ టూరిజం కార్యదర్శి బుర్రావెంకటేశం పేర్కొన్నారు. గుజరాత్‌లోని కచ్‌లో జరుగుతున్న జాతీయ టూరిజం సదస్సులో ఆదివారం ఆయన మాట్లాడుతూ, పర్యాటకాభివృద్ధికి అనేక అవకాశాలున్నప్పటికీ, ఇప్పటి వరకు పెద్దగా దృష్టి కేంద్రీకరించలేదన్నారు.

న్యూఢిల్లీ, జనవరి 22: ఎంతోకాలంగా ఎదురు చూస్తున్న బాంబే స్టాక్ ఎక్స్‌చేంజి (బిఎస్‌ఇ) పబ్లిక్ ఇష్యూ (ఐపిఓ) సోమవారం మార్కెట్లోకి రానుంది. ఒక దేశీయ స్టాక్ మార్కెట్ పబ్లిక్ ఇష్యూకు రావడం ఇదే మొదటిసారి కాగా, ఈ ఏడాది వస్తున్న తొలి ఐపిఓ కూడా ఇదే కావడం గమనార్హం. ఈ నెల 23న ప్రారంభమయ్యే ఈ ఇష్యూ 25తో ముగుస్తుంది. ఈ పబ్లిక్ ఇష్యూ ద్వారా బిఎస్‌ఇ రూ. 1234 కోట్లు సమీకరించాలని అనుకొంటోంది.