ముంబయి, నవంబర్ 2: దేశీయ స్టాక్ మార్కెట్లు బుధవారం భారీ నష్టాల్లో ముగిశాయి. దాదాపు మూడు వారాల్లో ఎన్నడూలేనంతగా సూచీలు క్షీణించాయి. అమెరికా అధ్యక్ష ఎన్నికల్లో హిల్లరీ క్లింటన్ కంటే డొనాల్డ్ ట్రంప్ ముందంజలో ఉన్నట్లు కనిపిస్తుండటం అంతర్జాతీయ మార్కెట్లను ఒడిదుడుకులకు గురిచేసింది. ఈ క్రమంలోనే భారతీయ మార్కెట్లూ పడిపోయాయి.

బొబ్బిలి, నవంబర్ 2: విశాఖ రీజియన్ పరిధిలో ఉన్న అయిదు జిల్లాల్లో 59 సిండికేట్ బ్యాంక్ బ్రాంచీల ద్వారా 3,350 కోట్ల రూపాయల లావాదేవీలు నిర్వహిస్తున్నామని సిండికేట్ బ్యాంక్ రీజినల్ మేనేజర్ ఎ సాంబిరెడ్డి తెలిపారు. బుధవారం ఇక్కడ విలేఖరుల సమావేశంలో ఆయన మాట్లాడుతూ తమ బ్యాంకుకు రీజియన్‌లో 59 శాఖలు ఉన్నాయని, అదనంగా మరో 8 బ్రాంచీలను ఏర్పాటు చేసేందుకు ప్రతిపాదనలు చేశామన్నారు.

హైదరాబాద్, నవంబర్ 2: దేశంలో వ్యాపార నిర్వహణకు అత్యంత అనువైన రాష్ట్రాల్లో తెలంగాణకు అగ్రస్థానం లభించడంపట్ల పారిశ్రామిక సంఘం ఫిక్కీ తెలంగాణ అధ్యక్షుడు దేవేంద్ర సురానా హర్షం వ్యక్తం చేశారు. దేశం మొత్తం మీద పరిశ్రమల ఏర్పాటు, అభివృద్ధికి అత్యంత అనువైన రాష్ట్రం తెలంగాణ అని ఆయన అన్నారు. తెలంగాణలో పరిశ్రమల ఏర్పాటుకు వచ్చిన 2,550 ప్రతిపాదనలకు ఆమోదం లభించిందన్నారు.

న్యూఢిల్లీ, నవంబర్ 1: టాటా గ్రూప్ సీనియర్ ఉద్యోగి ఎస్ రామదొరై.. ప్రభుత్వ నైపుణ్యాభివృద్ధి సంస్థలైన ఎన్‌ఎస్‌డిఎ, ఎన్‌ఎస్‌డిసిల చైర్మన్‌గా తప్పుకున్నారు. టాటా సన్స్ సంక్షోభం నేపథ్యంలో రామదొరై రాజీనామా కొత్త ఊహాగానాలకు తెరలేపుతుండగా, మిస్ర్తి స్థానంలో ఆయన టాటా గ్రూప్‌నకు సారథిగా వ్యవహరించే అవకాశాలు పుష్కలంగా కనిపిస్తున్నాయి.