న్యూఢిల్లీ, అక్టోబర్ 28: రిలయన్స్ రిటైల్ లిమిటెడ్ పాల వ్యాపారాన్ని సొంతం చేసుకోనున్నట్లు హెరిటేజ్ ఫుడ్స్ లిమిటెడ్ శుక్రవారం తెలిపింది. ఈ మేరకు ఓ ప్రాథమిక ఒప్పందం కుదుర్చుకుంటున్నట్లు చెప్పింది. ఈ ప్రతిపాదిత లావాదేవీకి రెగ్యులేటరీ ఆమోదాలు, ఇతరత్రా అనుమతులు రావాల్సి ఉందని బాంబే స్టాక్ ఎక్స్‌చేంజ్‌కు హెరిటేజ్ ఫుడ్స్ తెలిపింది.

న్యూఢిల్లీ, అక్టోబర్ 27: ప్రభుత్వ రంగంలోని డజను పైగా సంస్థల్లో (పిఎస్‌యుల్లో) పెట్టుబడుల ఉపసంహరణకు నీతి ఆయోగ్ చేసిన ప్రతిపాదనకు కేంద్ర మంత్రి వర్గం సూత్రప్రాయంగా ఆమోదం తెలిపింది. వీటిలో లాభాలను ఆర్జిస్తున్న ప్రభుత్వ రంగ సంస్థలు కూడా ఉన్నాయి.

తడ/సత్యవేడు, అక్టోబర్ 27: జపాన్‌లోని టొయామో స్టేట్‌కు చెందిన 15 మంది అత్యున్నత శ్రేణి ప్రతినిధుల బృందం గురువారం శ్రీసిటి సెజ్‌ను సందర్శించింది. టొయామో స్టేట్ గవర్నమెంట్ అర్బన్ కమర్షియల్ డెవలప్‌మెంట్ డివిజన్ డిప్యూటీ డైరెక్టర్ జనరల్ ఒహోషి యుటాకా నేతృత్వంలో విచ్చేసిన వీరికి శ్రీసిటి అధ్యక్షులు సతీష్ కామత్ సాదరంగా స్వాగతం పలికి ఇక్కడ వౌలిక వసతులు, పారిశ్రామిక ప్రగతిని వివరించారు.

ముంబయి, అక్టోబర్ 27: టాటాగ్రూపులోని కొన్ని కంపెనీలు భారీ నష్టాల్లో ఉన్నాయంటూ గ్రూపు చైర్మన్ పదవినుంచి అర్ధంతరంగా తొలగించిన సైరస్ మిస్ర్తి చేసిన ప్రకటనతో వరసగా మూడో రోజు కూడా దేశీయ స్టాక్ మార్కెట్లో ఆ గ్రూపునకు చెందిన కంపెనీల షేర్లు తీవ్ర ఒత్తిడికి గురయ్యాయి. ఫలితంగా ఈ వారంలో ఆ గ్రూపునకు చెందిన కంపెనీల మొత్తం మార్కెట్ విలువ రూ.26,000 కోట్లు పడిపోయింది.