న్యూఢిల్లీ, సెప్టెంబర్ 28: పెరుగుతున్న వ్యాపార విలువలు, మార్కెట్ సామర్థ్యం కారణంగా భారత ఆర్థిక వ్యవస్థలో పోటీ తత్వం శరవేగంగా పెరుగుతోంది. దీంతో ప్రపంచ పోటీతత్వ దేశాల సూచీ (గ్లోబల్ కాంపిటేటివ్‌నెస్ ఇండెక్స్)లో 16 పాయింట్లు ఎగబాకి 39వ స్థానంలో నిలిచింది. వరల్డ్ ఎకనామిక్ ఫోరం (డబ్ల్యుఇఎఫ్) రూపొందించిన జాబితాలో ఈ విషయం వెల్లడయింది.

ముంబయి, సెప్టెంబర్ 27: తనయుడు అన్‌మోల్ రాకతో రిలయన్స్ క్యాపిటల్ కంపెనీకి అదృష్టం వరించిందని సంస్థ చైర్మన్ అనిల్ అంబానీ సంతోషం వ్యక్తం చేశారు. కంపెనీ షేర్ ధరలు 40 శాతం పెరిగాయని, ఇదంతా అన్‌మోల్ వల్లనే సాధ్యమయిందని అనిల్ అంబానీ పుత్రోత్సాహాన్ని వ్యక్తం చేశారు. అంతేకాదు అన్‌మోల్ ప్రభావం ఇకపై కొనసాగుతుందన్న ఆశాభావాన్ని వ్యక్తం చేశారు.

న్యూఢిల్లీ, సెప్టెంబర్ 27: బాల కార్మిక వ్యవస్థను నిర్మూలించేందుకు అంతర్జాతీయ కార్మిక సంస్థ (ఐఎల్‌ఓ) రూపొందించిన 138, 182వ ఒడంబడికలను ఆమోదించేందుకు భారత్ సిద్ధంగా ఉందని, ఇందుకు సంబంధించిన ప్రక్రియను ఇప్పటికే ప్రారంభించామని కేంద్ర కార్మిక శాఖ మంత్రి బండారు దత్తాత్రేయ స్పష్టం చేశారు.

న్యూఢిల్లీ, సెప్టెంబర్ 27: దేశంలో అతిపెద్ద సెల్యులార్ ఆపరేటర్‌గా కొనసాగుతున్న ఎయిర్‌టెల్ టెలికామ్ మార్కెట్లోకి కొత్తగా ప్రవేశిస్తున్న రిలయన్స్ జియోపై మంగళవారం తీవ్రస్థాయిలో ధ్వజమెత్తింది.