ముంబయి, జూన్ 14: టోకు ధరల ద్రవ్యోల్బణం మే నెలలో పెరగడంతో పాటుగా అమెరికా ఫెడరల్ రిజర్వ్ సమావేశం, ఐరోపా కూటమినుంచి బ్రిటన్ నిష్క్రమణపై రెఫరెండం లాంటి అంతర్జాతీయ పరిణామాల భయాల కారణంగా మదుపరులు మార్కెట్‌కు దూరంగా ఉండడంతో దేశీయ స్టాక్ మార్కెట్లు ఎలాంటి లాభనష్టాలు లేండా నిలకడగా ముగిశాయి.

అనంతపురం, జూన్ 14: అనంతపురం జిల్లా నంబులపూలకుంటలో ఏర్పాటు చేసిన ఆల్ట్రా మెగా సోలార్ పార్క్‌లో విద్యుదుత్పత్తి అంచెలంచెలుగా సాగుతోంది. నెలక్రితం ప్రారంభించిన విద్యుత్ ఉత్పత్తిలో పురోగతి కనిపిస్తోంది. తొలిపక్షం రోజుల్లో 100 మెగా వాట్లకుపైగా ఉత్పత్తి సాధించగా, మంగళవారం నాటికి అది 250 మెగావాట్లకు చేరింది. నేషనల్ థర్మల్ పవర్ ప్రాజెక్ట్ ఆధ్వర్యంలో ఇక్కడ సోలార్ విద్యుత్ ఉత్పత్తి ప్రారంభమైంది.

విశాఖపట్నం, జూన్ 14: ఉత్పత్తికి అనుగుణంగా నిల్వసామర్థ్యం పెంచేందుకు అవసరమైన చర్యలు తీసుకుంటున్నట్టు రాష్ట్ర గిడ్డంగుల సంస్థ చైర్మన్ ఎల్‌విఎస్‌ఆర్‌కె ప్రసాద్ వెల్లడించారు. గిడ్డంగుల సంస్థ ఉద్యోగులకు మూడు రోజుల పాటు జరిగే శిక్షణ తరగతులను విశాఖలో మంగళవారం ఆయన ప్రారంభించారు.

ముంబయి, జూన్ 14: దేశంలో బ్యాంకులకు దాదాపు 9 వేల కోట్ల రూపాయల రుణాలను ఎగ్గొట్టి విదేశాలకు పారిపోయిన ప్రముఖ మద్యం వ్యాపారి విజయ్ మాల్యాను ఎట్టకేలకు నేరస్థుడిగా ప్రకటించారు. బ్యాంకులకు రుణాల ఎగవేత కేసులో విజయ్ మాల్యాపై మనీ లాండరింగ్ చట్టం కింద జరుపుతున్న ఎన్‌ఫోర్స్ డైరెక్టరేట్ (ఇడి) ఈ విషయమై పిఎంఎల్‌ఎ ప్రత్యేక కోర్టును ఆశ్రయించడంతో న్యాయస్థానం మంగళవారం ఆయనను నేరస్థుడిగా ప్రకటించింది.