విజయవాడ, మే 19: కృష్ణానదీ పుష్కరాల సందర్భంగా ఇబ్రహీంపట్నం సమీపాన గోదావరి కృష్ణానదీ సంగమ ప్రదేశాన్ని అద్భుత పర్యాటక ప్రదేశంగా రూపొందించాలని ఆంధ్రప్రదేశ్ సిఎం చంద్రబాబు ఆదేశించారు. గురువారం రాత్రి సిఎంఓలో పదికిపైగా ప్రభుత్వ శాఖల ఉన్నతాధికారులతో నిర్వహించిన సమావేశంలో ఆయన పుష్కర ఏర్పాట్లను సమీక్షించారు. పుష్కర పనులు నత్తనకడన నడుస్తుండటంపై సమీక్ష ప్రారంభంలోనే ఇంజనీర్లపై సిఎం ఆగ్రహం చెందారు.

రాజమహేంద్రవరం, మే 19: గిరిజన ఉత్పత్తులకు రాష్ట్రంలో డిమాండ్ అధికంగా ఉందని, అయితే దానికి ఆస్థాయిలో ఉత్పత్తి మాత్రం లేదని, ఉత్పత్తి పెంచి కార్పొరేట్ స్థాయిలో మార్కెటింగ్ చేయడానికి రాష్ట్ర గిరిజన సహకార సంస్థ కృషి చేస్తోందని ఆ సంస్థ వైస్-్ఛర్మన్, మేనేజింగ్ డైరెక్టర్ జిఎస్‌పిఎస్ రవిప్రకాష్ తెలిపారు. తూర్పు గోదావరి జిల్లా రాజమహేంద్రవరంలో గురువారం ఆయన విలేఖర్లతో మాట్లాడారు.

న్యూఢిల్లీ, మే 19: దేశంలో వస్తు వినిమయం క్రమేణా పెరుగుతుండటంతో ప్రస్తుత సంవత్సరంతో పాటు వచ్చే ఆర్థిక సంవత్సరంలో భారత ఆర్థికాభివృద్ధి రేటు 7.5 శాతంగా ఉంటుందని అంచనా వేస్తున్నట్లు మూడీస్ ఇనె్వస్టర్ సర్వీస్ గురువారం వెల్లడించింది. అయితే ప్రైవేటు పెట్టుబడులు నిలకడగా పెరగడంపైనే ఇది ఆధారపడి ఉంటుందని మూడీస్ స్పష్టం చేసింది.

ముత్తుకూరు, మే 19: నెల్లూరు జిల్లా ముత్తుకూరు వద్ద ఉన్న ఆంధ్రప్రదేశ్ ప్రభుత్వరంగ విద్యుత్ సంస్థ దామోదరం సంజీవయ్య ఎపి జెన్‌కో థర్మల్ కేంద్రంలో రెండు యూనిట్లకు సంబంధించి గురువారం విద్యుత్ ఉత్పత్తికి అంతరాయం ఏర్పడింది. ప్రాజెక్టులోని బంకర్‌లోని 2ఎ వద్ద కనే్వయర్ బెల్టు తెగిపోయి పలు సాంకేతిక లోపాలు ఏర్పడటంతో విద్యుత్ ఉత్పత్తి ఆగిపోయింది. బొగ్గు రవాణా ప్రక్రియకు ఆటంకం కలిగి ఈ పరిస్థితి నెలకొంది.