న్యూడిల్లీ : మార్కెట్ రేట్లకు అనుగుణంగా ఉండేందుకు వీలుగా చిన్న మొత్తాల పొదుపు పథకాల వడ్డీ రేట్లను ప్రభుత్వం ఒకటి, రెండు రోజుల్లో సవరిస్తుందని కేంద్ర ఆర్థిక వ్యవహారాల కార్యదర్శి శక్తికాంత్ దాస్ చెప్పారు. అయితే ఆడపిల్లల, సీనియర్ సిటిజన్ల( వృద్ధులు)కు సంబంధించిన పథకాల వడ్డీ రేట్లను మాత్రం మార్చబోమని ఆయన చెప్పారు.

ముంబయి: దేశీ స్టాక్ మార్కెట్లు గురువారం కుప్ప కూలాయి. మరోసారి ప్రపంచ ఆర్థిక వృద్ధి మందగించవచ్చన్న భయాలకు తోడు, కార్పొరేట్ సంస్థల త్రైమాసిక ఫలితాలు నిరాశాజనకంగా ఉండడం కలిపి మదుపరుల సెంటిమెంట్‌ను పూర్తిగా దెబ్బ తీశాయి. దీంతో బిఎస్‌ఇ సెనె్సక్స్ 807 పాయింట్లు నష్టపోయి 23 వేల పాయింట్ల దిగువకు చేరుకుంది.

ముంబయి, ఫిబ్రవరి 10: దేశీయ స్టాక్ మార్కెట్లను వరుస నష్టాలు కుదిపేస్తున్నాయి. అంతర్జాతీయ మార్కెట్ల నుంచి సానుకూల సంకేతాలున్నప్పటికీ బుధవారం కూడా సూచీలు నష్టాలకే పరిమితమయ్యాయి. సోమ, మంగళవారాల్లో కూడా స్టాక్ మార్కెట్లు క్షీణించినది తెలిసిందే.

ఓబులవారిపల్లె: ప్రస్తుత ఆర్థిక సంవత్సరం (2015-16)లో మంగంపేట బెరైటీస్ గనుల నుంచి ఇప్పటివరకు 22.80 లక్షల టన్నుల ఖనిజాన్ని వెలికితీశామని, దీనిద్వారా 594 కోట్ల రూపాయల ఆదాయం లభించిందని ఎపిఎండిసి మేనేజింగ్ డైరక్టర్ వెంకయ్య చౌదరి తెలిపారు. వచ్చే ఏడాది 30 లక్షల టన్నుల బెరైటీస్ వెలికితీసి ప్రపంచంలోనే అగ్రస్థానంలో నిలుపుతామని ఆయన అన్నారు. బుధవారం మంగంపేట బెరైటీస్ గనులను ఆయన పరిశీలించారు.