న్యూఢిల్లీ, జనవరి 12: ప్రభుత్వరంగ బ్యాంకింగ్ దిగ్గజం ఎస్‌బిఐ.. నాన్-కోర్ ఆస్తులను నగదుగా మార్చుకోవాలని ఆలోచిస్తోంది. అలాగే అనుంబంధంగా ఉన్న బ్యాంకింగ్ సంస్థలను లిస్టింగ్ చేయాలని కూడా యోచిస్తోంది. పెట్టుబడులు, ఇతరత్రా అవసరాలకు కావాల్సిన నిధులను సమకూర్చుకోవడానికే ఇదంతా అని ఎస్‌బిఐ చైర్‌పర్సన్ అరుంధతీ భట్టాచార్య మంగళవారం ఇక్కడ పారిశ్రామిక సంఘం అసోచామ్ కార్యక్రమంలో మాట్లాడుతూ తెలిపారు.

రాజమహేంద్రవరం, జనవరి 12: గోదావరి నదిలో సర్ ఆర్థర్ కాటన్ బ్యారేజికి ఎగువన ఉన్న ఇసుక మేటలను తొలగించేందుకు ప్రతిపాదించిన డ్రెడ్జింగ్ కార్యక్రమానికి బ్రేకు పడినట్టు తెలుస్తోంది. బ్యారేజి నుండి 3 కిలోమీటర్లు ఎగువ ప్రాంతంలోని బౌస్ట్రింగ్ రైలు వంతెన వరకు సుమారు 7 కిలోమీటర్లు పొడవున గోదావరి నదిలో ఉన్న ఇసుకను డ్రెడ్జింగ్ చేయాలని ఆంధ్రప్రదేశ్ రాష్ట్ర ప్రభుత్వం నిర్ణయించిన సంగతి విదితమే.

న్యూఢిల్లీ, జనవరి 12: అనిల్ అంబానీ నేతృత్వంలోని టెలికామ్ సంస్థ రిలయన్స్ కమ్యూనికేషన్స్ (ఆర్‌కామ్) నుంచి దాదాపు 5,600 కోట్ల రూపాయలను టెలికామ్ శాఖ డిమాండ్ చేస్తోంది. స్పెక్ట్రమ్ సరళీకరణకు పాల్పడ్డారనే దానిపై ఈ మొత్తాన్ని టెలికాం శాఖ కోరుతుండగా, దీనికి సంబంధించి గత నెల డిసెంబర్ 22న ఆర్‌కామ్‌కు నోటీసులు కూడా జారీ అయినట్లు తెలుస్తోంది.

న్యూఢిల్లీ, జనవరి 12: దేశంలో తక్కువ ధరకే ఆస్తుల కొనుగోలుకు అవకాశమున్న టాప్-10 ప్రాంతాల్లో హైదరాబాద్ ముందుందని ప్రాపర్టీ కన్సల్టెంట్ జెఎల్‌ఎల్ ఇండియా తెలిపింది. తాజా నివేదికలో 10 చౌక ప్రాపర్టీ మార్కెట్లలో హైదరాబాద్ తర్వాత పుణె, నవీ ముంబయి, అహ్మదాబాద్‌లున్నాయి. తర్వాతి స్థానాల్లో కొచ్చి, ఘజియాబాద్, జైపూర్, నాగ్‌పూర్, సూరత్, కొయంబత్తూర్ టాప్-10లో చొటు దక్కించుకున్నాయి.