తెలంగాణ రాష్ట్రం ఏర్పడి రెండున్నరేళ్లు కాగా, గత రెండేళ్లలో నేను కనీసం ఇరవైసార్లు ఆంధ్రప్రదేశ్‌లోని వివిధ ప్రాంతాలకు వెళ్లాను. అక్కడి వారితో మాట్లాడటం, తెలంగాణలో నివసిస్తున్న ఆ ప్రాంతీయులతో కలవటం వంటి సందర్భాల్లో పలు ఆసక్తికర అంశాలు తెలిశాయి. వీరందరిలో సామాన్యుల నుంచి సంపన్నుల వరకు, ఉద్యోగాలు, పనులు చేసుకునేవారి దాకా చాలా వైవిధ్యత ఉంది.

‘కుక్క కాటుకు చెప్పుదెబ్బ..’ అనేది పాత సామెత. కరిచిన కుక్కను చెప్పుతో కొట్టడం ఒకటైతే, కాటుకు గురైన వ్యక్తినే కొట్టడం మరొకటి. గత రెండున్నర సంవత్సరాల మోదీ పాలన కాలంలో జరిగిన, జరుగుతున్న పరిణామాలకు, దేశంలో తలెత్తుతున్న సమస్యలకు ఆయన చేపట్టిన చికిత్సలు కూడా ఇలానే వుంటున్నాయి. అధికారంలోకి రాగానే సర్వదేశ సౌభ్రాతృత్వాన్ని ప్రదర్శించిన మోదీ తిరగని దేశం లేదు. ఆయనతో మాట్లాడని విదేశీ నాయకుడు లేడు.

లోక్‌సభ, శాసనసభలకు ఒకేసారి ఎన్నికలు నిర్వహించాలని ప్రధాని నరేంద్ర మోదీ చేసిన ప్రతిపాదన ఎన్నికల నిర్వహణలో విప్లవాత్మక సంస్కరణలకు నాందిగా కనిపిస్తోంది. సార్వత్రిక ఎన్నికలతోపాటు శాసనసభల ఎన్నికలను ఏకకాలంలో నిర్వహిస్తే అవినీతికి, విశృంఖల ధనప్రవాహానికి అడ్డుకట్ట వేయడంతోపాటు ఎన్నికల ఖర్చును గణనీయంగా తగ్గించవచ్చు. ఈ ప్రతిపాదనను రాష్టప్రతి ప్రణబ్ ముఖర్జీ సైతం బలంగా సమర్ధించారు.

భాగ్యనగరంలోని ఒక రైతుబజార్ ప్రాంగణంలో ఆకుకూరలు, కూరగాయలు అమ్మే వారు కొలువుదీరి ఉన్నారు. ఎక్కువమంది విక్రేతలు గ్రామీణ మహిళలు. ఆ పక్కనే మహానగర పాలిక వారు ఏర్పాటుచేసిన భారీ ‘చెత్తబుట్ట’ కూడా ఉంది. భయంకరమైన చెత్త పొంగిపొరలుతూ ఉన్న దృశ్యాన్ని కూరలు కొనేవారు దర్శించక తప్పదు! ఎందుకంటే భరించరాని దుర్గంధం మన దృష్టిని ఆ ‘వ్యర్థ పదార్థ భాండారాగాం’ వైపు మళ్లించకమానదు!