క్రిస్మస్ సందర్భంగా క్రిస్టియన్లకు తెలంగాణ ప్రభుత్వం దుస్తులు పంపిణీ చేస్తోంది. గతంలో రంజాన్ సందర్భంగా ముస్లింలకు కూడా ఈ ప్రభుత్వం అనేక తాయిలాలు ప్రకటించి అందజేసింది. ఇఫ్తార్ విందులకోసం నిధులు వెచ్చించింది. ప్రభుత్వానికి పెద్దమొత్తంలో హిందువులు చెల్లిస్తున్న పన్నుల నుంచి ఖర్చు చేస్తోంది. మెజారిటీ ప్రజలైన హిందువులకు రుచించని, ఆ వర్గానికి వ్యతిరేకంగా చేపడుతున్న చర్యలుగానే భావించాలి.

పెద్దనోట్ల రద్దు తర్వాతి పరిణామాలు గమనిస్తే దేశంలోని కొన్ని రాజకీయ పార్టీలు ఉద్దేశ పూర్వకంగా రాజకీయం చేస్తున్నాయన్న విషయం ప్రజలకు అర్థమవుతోంది. దొంగనోట్లు, నల్లధనాన్ని అరికట్టేందుకు ప్రధాని మోదీ తీసుకున్న కఠిన నిర్ణయాన్ని సామాన్య జనం అర్థం చేసుకొని ఇబ్బందులు పడుతున్నారు. కొన్ని పార్టీల నేతలు అనవసర రాద్ధాంతం చేసి ప్రజల్లో గందరగోళం సృష్టిస్తున్నారు.

పోస్టుద్వారా పంపిస్తున్న వార, మాసపత్రికల కవర్లపై చందాదారుని నెంబరు, చందా గడువు తేదీ వంటి వివరాలు ప్రచురించకూడదని తపాలా శాఖ నిర్ణయించడంతో చందాదారులకు కలుగుతున్న అసౌకర్యం కలుగుతోంది. రిప్లై కార్డులు ప్రస్తుతం అందుబాటులో లేవు. ప్రజలకు నష్టం కలిగించే ఇలాంటి నిర్ణయాలు సరికాదు. చందా నెంబరు, గడువుతేదీ ముద్రించటం వలన పాఠకులకు మేలు. పత్రిక యాజమాన్యంతో సంప్రదింపులకు ఎంతో సౌకర్యంగా ఉంటుంది.

పెద్దనోట్ల రద్దు నిర్ణయంతో నల్లకుబేరుల గుండెల్లో దడ పుట్టించిన ప్రధాని మోదీ అభినందనీయుడు. ఎవరు ఎంత మంచిపని చేసినా కొన్ని లోటుపాట్లు తప్పవు. చేసిన మంచిపని కన్నా చిన్న చిన్న లోపాలపై దుమ్మెత్తిపోసేందుకు విపక్షాలు ఎప్పుడూ సిద్ధంగా ఉంటాయి. దేవుడికే తప్ప- లోటుపాట్లు లేకపోవడం మానవులకు సాధ్యం కాదు. దేశంలోని అన్నివర్గాల ప్రజలూ మోదీ నిర్ణయాన్ని హర్షిస్తున్నారు.