భారత తొలి ప్రధాని జవహర్‌లాల్ నెహ్రూ జయంతిని పురస్కరించుకొని ఏటా నవంబర్ 14 నుండి గ్రంథాలయ వారోత్సవాలను నిర్వహిస్తుంటారు. దేశవ్యాప్తంగా ప్రతి గ్రంథాలయంలో వారం రోజులపాటు అనేక కార్యక్రమాలు నిర్వహించడం ఆనవాయితీ. విద్యార్థులకు, మహిళలకు వ్యాస రచన, చిత్రలేఖనం, రంగోళి, ఉపన్యాసం, క్విజ్, పాటలు, నృత్యాలు తదితర పోటీలు నిర్వహించి చివరిరోజున బహుమతులు ప్రదానం చేయాల్సి ఉంటుంది.

పెద్దనోట్ల రద్దుతో నల్లకుబేరులకు కునుకు పట్టకుండా పోయిందో లేదో గానీ, చిల్లర నోట్లకు కరువొచ్చి సామాన్య ప్రజలకు వణుకొస్తోంది. ప్రభుత్వ నిర్ణయం అమలులోకి వచ్చి రెండు వారాలు గడిచినా పరిస్థితిలో మార్పు రావడం లేదు. నిత్యావసర సరకులు కొనుగోలు చేసేందుకు, బ్యాంకులో ఉన్న తమ కొద్దిపాటి డబ్బును తీసుకునేందుకు పేద, మధ్యతరగతి ప్రజలు నరకాన్ని చవిచూస్తున్నారు.

హైదరాబాద్ సహా తెలంగాణలోని అన్ని జిల్లాల్లో ప్రైవేట్, కార్పొరేట్ ఆస్పత్రులు చికిత్స కోసం వచ్చే రోగులను వివిధ పరీక్షల పేరుతో భయకంపితులను చేసి జలగల్లా పీడిస్తున్నాయి. చిన్నపాటి జబ్బు చేసినా ప్రైవేటు ఆస్పత్రి మెట్లెక్కితే చాలు దోపిడీ కథ ప్రారంభమవుతుంది. రోగి నుండి పూర్తి సమాచారం సేకరించకుండానే ముందుగా ఫలానా పరీక్షలు చేయించుకుంటేనే వ్యాధి నిర్థారణ చేస్తామని వైద్యులు చెబుతుంటారు.

గ్రంథాలయాలు దేవాలయాలతో సమానం. మన మేధోసంపత్తిని పెంచేవి గ్రంథాలయాలు మాత్రమే. స్వాతంత్య్ర ఉద్యమంలో గ్రంథాలయోద్యమం కీలకపాత్ర పోషించింది. అలాంటి విజ్ఞాన సర్వస్వాలైన గ్రంథాలయాలు నేడు ఆదరణ కోల్పోతున్నాయి. తెలంగాణ గ్రామీణ ప్రాంత గ్రంథాలయాల్లో సమస్యలు తిష్టవేశాయి. దినపత్రికలు సక్రమంగా రాకపోవడం, బెంచీలు, కుర్చీలు లేకపోవడం, గ్రంథాలయాధికారులు అందుబాటులో వుండకపోవడం లాంటి సమస్యలు తప్పడం లేదు.