S ,7 à 8 RSCA (si SASPAS) et 6 cialis pharmacie cialis rapports de stage.
ఉత్తరాయణం
అనేక కష్టాలతో మునుగుతూ-తేలుతూ ఉన్న గ్రేటర్ హైదరాబాద్ పురపాలక సంస్థకి జంటనగరాల ఆర్టీసీ బస్సుల నిర్వహణ అప్పజెప్పడం పారిపాలనా పరంగానే కాకుండా ఆర్థికపరంగా కూడా భారం కాగలదు. ‘గ్రేటర్’ నిర్వహించినంత మాత్రాన లాభసాటి అయ్యే అవకాశం ఉంటుందా అన్న ప్రశ్న ఉదయంచకమానదు.
కొంతమంది మనుషులను చంపి తిన్నందుకు ఓ మగ సింహంపై విచారణ జరిపి, నేరం రుజువు చేసి దానికి యావజ్జీవ శిక్షగా ‘జూ’కు తరలించారట. ఈ హత్యకు తో డ్పడిన ఆడ సింహాలను, ఇతర అమాయక సింహాలను గుజరాత్‌లోని గిర్ పార్క్‌లో వదలివేశారట. మృగాలు తమ ఆహారాన్ని ఎలా సంపాదించుకోవాలో ప్రకృతే నేర్పు తుంది. ప్రాణికి ప్రాణమే ఆహారం అన్నది వేదోక్తి. సింహా లకు తెలుసా? చంపితినడం నేరమని?
నేటి రాజకీయ నాయకుల మాటలు కోటలు దాటుతుంటే చేతులు పీటలైనా ఎక్కడంలేదని సామెత. మన రాష్ట్రంలో పారిశ్రామిక పురోగతిని చూస్తే అదే గుర్తుకు వస్తుంది. ఉమ్మడి రాష్ట్రంలో ఉన్నప్పటి పరిస్థితి వేరు. ప్రస్తుతం కొత్త నవ్యాంధ్ర ఎదుర్కొంటున్న సమస్యలు వేరు. రాష్ట్ర విభజన అనంతరం గత రెండు సంవత్సరాలుగా సర్కార్ చేస్తున్న ప్రకటనలను చూస్తే పరుగులు పెట్టవలసిన పురోగతి ఎంత నత్తనడకన నడుస్తున్నది అర్ధమవుతున్నది.
దేశ జనాభాలో దాదాపు సగం ఉన్న స్ర్తిలు నేడు ఉద్యోగాల్లో 24 శాతం ఉండడం హర్షదాయకం. నేడు స్ర్తిలు లేని రంగం లేదు. అయినా వారి సమస్యలు వారివే. ముఖ్యంగా వివాహిత స్ర్తిలు గర్భవతులుగా ఉన్నప్పుడు వారికి 2 సం. ప్రసూతి సెలవులు అవసరమని అందరూ ముక్తకంఠంతో అంటున్నమాటే. ఈ మధ్య కేంద్రంలోని శిశు సంక్షేమం కార్మిక శాఖామాత్యులు బండారు దత్తాత్రేయ, ఈ ప్రతిపాదన పై ఆలోచిస్తున్నట్టు తెలిపారు.
కాంగ్రెస్‌తో పొత్తు పెట్టుకొని బెంగాల్ ఎన్నికల్లో పోటీ చేయడం చారిత్రక తప్పిదమని ఇటీవలి ఢిల్లీ సమావేశంలో కమ్యూనిస్టు నాయకత్వం ఒక నిర్ణయానికి వచ్చింది. ఈ ధంగా ‘‘చారిత్రక తప్పిదం’’ అనే పదాన్ని ఉచ్ఛరించడం కమ్యూనిస్టులకు ఆనందమేమో మరి. గతంలో కూడా ఇటువంటి చారిత్రక తప్పిదాలు వారు చాలా చేశారు.
ఈమధ్య ఆంధ్ర ప్రదేశ్ ప్రభుత్వం వారు ప్రదానం చేసిన ఉగాది పురస్కారాలు, కళారత్న అవార్డుల ఎంపిక, వర్గీకరణ సహేతుకంగా లేవనిపిస్తున్నది. ఉదాహరణగా చాగంటి కోటేశ్వరరావుగారు తమ ప్రతిభను దిగ్విజయం గా ప్రదర్శిస్తున్న ప్రవచన రంగాన్ని కాకుండా ‘అవధానం’ విభాగంలో ప్రకటించి, ప్రదానం చేయడాన్ని తీసుకో వచ్చు.
- జయ కాకినాడ
నేటి సినిమాల్లో అర్ధనగ్న నటనలకు, అశ్లీలతలకు పీఠం వేసుకుని ఉంటున్నాయి. నగర, పుర ప్రాంతాల్లో అర్ధనగ్న నృత్యాలకు, రేవు పార్టీలకు కొదవే లేదు. కానీ పల్లెల్లో గానీ, పట్టణాల్లోగానీ ఏదైనా పండుగ జరిగిందంటే సినిమాలననుకరించి డ్యాన్సులు, అర్ధనగ్న నృత్యాలు వేసే వెర్రిమొర్రి వేషాలు చూసిన వెంటనే పోలీసులు వారిపై చర్యలు తీసుకొంటున్నారు. నేటి సమాజం వెర్రితలలు వేయడానికి ముఖ్య కారణం సినిమా ప్రభావమే.
కుప్పంలోని ద్రవిడియన్ యూనివర్సిటీ 2007-08, 2008-09 బ్యాచ్‌ల పిహెచ్‌డి ఆఫ్ క్యాంపస్ స్కాలర్లు 2011లో సమర్పించిన థీసెస్‌ల ప్లాగియారిజమ్ పరిశీలించబడ్డాయని మే 2016న వర్సిటీవారి వెబ్‌సైట్‌లో పెట్టడం జరిగింది. అన్ని సబ్జెక్టులవారు కలిపి నాలుగువందల ఇరవైఏడు మంది ఈ టెస్టులో పాస్‌కాలేదని తెలపడం జరిగింది. ఇది ఎలా అయిందనుకున్నారు?
పవిత్ర రంజాన్ మాసంలో ముస్లిం ఉద్యోగులను రోజూ ఒక గంట ముందే ప్రార్థనలకోసం వెళ్లేందుకు తెలంగాణ ప్రభుత్వం అనుమతించింది. అయితే ప్రతి శుక్రవారం వారు ఒకటి లేదా రెండు గంటల ముందే కార్యాలయాలనుంచి వెళ్లిపోవడం ఆనవాయితీగా కొనసాగుతోంది. మరి ఇదే సదుపాయం ఇతర మతాలకు ఇవ్వడంలేదు. ఇది కేవలం బుజ్జగింపు చర్య మాత్రమే. భారత రాజ్యాంగం ప్రసాదించిన సర్వమత సమభావ వ్యవస్థకు ఇది పూర్తి భిన్నం.
పట్టణ ప్రాంతాలలో చాలాచోట్ల పాఠశాల వయసు నుండే పిల్లలకు బైక్, కారు డ్రైవింగ్ నేర్పించి తల్లిదండ్రులు వారిని రోడ్లపైకి వదలుతున్నారు. ఈ పిల్లలు మిక్కిలి దూకుడుగా, అతి వేగంతో అజాగ్రత్తగా డ్రైవింగ్ చేస్తూ ప్రమాదకారకులవుతున్నారు. వీరికి వీరే ప్రమాదాలను కొని తెచ్చుకోవడమేగాక అవతలి వారికీ ప్రమాదాలను తెస్తున్నారు. వీరికి చిన్న వయసులోనే డ్రైవింగ్ నేర్పి తల్లిదండ్రులు తాము ఎంత తప్పుచేస్తున్నారో గ్రహించాలి.